டிஜிட்டல் லைப்ஸ்டைல் மற்றும் ஆடியோ அக்சஸரீ பிராண்டான பிடிரான் இந்திய சந்தையில் புதிதாக மியூசிக்பாட் இவோ எனும் பெயரில் சவுண்ட்பாரை அறிமுகம் செய்து இருக்கிறது. பிடிரான் மியூசிக்பாட் இவோ மாடல் க்ளோஸ்-அப் சினிமா அனுபவத்தை மிக நேர்த்தியாக வழங்கும் வகையில் உருவாக்கப்பட்டு இருக்கிறது.
இந்த சவுண்ட்பார் கண்ட்ரோல் மிக எளிமையாக பயன்படுத்த வழி செய்வதோடு, வால்யும் மாற்றுவது, பாடல்களை தேர்வு செய்வது, அவற்றை இயக்குவது என எல்லாவற்றுக்கும் கண்ட்ரோல் வழங்கப்பட்டு இருக்கிறது. கனெக்டிவிட்டிக்கு 3.5 எம்எம் ஜாக், ஆக்ஸ், யுஎஸ்பி டிரைவ், டிஎப் கார்டு அல்லது ப்ளூடூத் என எதை வேண்டுமானாலும் பயன்படுத்திக் கொள்ளலாம்.
பிடிரான் மியூசிக்பாட் இவோ மாடல் மெல்லிய, அதிநவீன டிசைன், மெட்டாலிக் முன்புற கிரில், மென்மையான வளைந்த எட்ஜ்களை கொண்டிருக்கிறது. இதில் உள்ள 10 வாட் ஸ்பீக்கர் மற்றும் 52 மில்லிமீட்டர் டிரைவர்கள் பத்து மணி நேரத்திற்கு சக்திவாய்ந்த பேஸ் அனுபவத்தை வழங்குகிறது. இதில் உள்ள ப்ளூடூத் 5.0 தொழில்நுட்பம் கொண்டு டிவி, லேப்டாப் அல்லது டேப்லெட் உடன் இணைத்துக் கொள்ளலாம்.
பிடிரான் மியூசிக்பாட் இவோ சவுண்ட்பார் ப்ளிப்கார்ட் தளத்தில் விற்பனை செய்யப்படுகிறது. அறிமுக சலுகையாக இதன் விலை ரூ. 999 என நிர்ணயம் செய்யப்பட்டு உள்ளது. விற்பனை நாளை துவங்குகிறது.