வாட்ஸ்அப் செயலில் மேலும் புதிய புதிய அப்டேட்கள் கொண்டு வந்த வகையில் இருக்கிறது, பயனர்களை அதிகம் கவர புதிய அப்டேட்கள் கொண்டு வந்து கொண்டே தான் இருக்கிறது மேலும் இப்பொழுது வாட்ஸ்அப்பில் டார்க் மோட், மேம்பட்ட சர்ச் மற்றும் பிங்கர்ப்ரின்ட் உள்ளிட்டவை சேர்க்கப்பட்டுள்ளது இதனுடன் மேலும் போலி மெசேஜ்களை தடுக்க ஒரு புதிய சோதனையில் ஈடுபட்டு வருகிறது வாட்ஸ்அப் செயலியில் ஃபார்வேர்டிங் இன்ஃபோ மற்றும் ஃபிரீக்வென்ட் ஃபார்வேர்டிங் என இரு அம்சங்களை சோதனை செய்வதாக தகவல் வெளியானது.
இந்நிலையில், தற்சமயம் வெளியாகி இருக்கும் தகவல்களில் வாட்ஸ்அப் ஆண்ட்ராய்டு பீட்டா செயலியில் புதிய வாய்ஸ் மெசேஜ் அம்சம் ஆண்ட்ராய்டு பீட்டா 2.19.86 பதிப்பில் வழங்கப்பட்டுள்ளது. இந்த அம்சம் கொண்டு ஒன்றுக்கும் மேற்பட்ட வாய்ஸ் மெசேஜ்களை தொடர்ச்சியாக பிளே செய்ய முடியும்.
கடந்த ஆண்டு நவம்பர் மாதம் முதல் உருவாக்கப்படும் இந்த அம்சம் முன்னதாக வாட்ஸ்அப் IOS . பீட்டா 2.18.100 பதிப்பில் காணப்பட்டது. கூடுதலாக புதிய பீட்டா அப்டேட்டில் பிக்சர் இன் பிக்சர் மோட் (பி.ஐ.பி. மோட்) மேம்படுத்தப்பட்டிருக்கிறது. முன்னதாக கடந்த ஆண்டு மே மாதத்தில் பி.ஐ.பி. மோட் ஐ.ஓ.எஸ். இயங்குதளங்களில் வழங்கப்பட்டு பின் டிசம்பர் மாதம் ஆண்ட்ராய்டில் வழங்கப்பட்டது.
இதுவரை IOS. இயங்குதளத்தில் PIP . மோட் சாட்களிடையே நேவிகேட் செய்து கொண்டே வீடியோக்களை பார்க்கும் வசதி வழங்கிய நிலையில், ஆண்ட்ராய்டு தளத்தில் ஒரு சாட் ஸ்கிரீனில் இருந்தபடி வீடியோ பார்க்கும் வசதி வழங்கப்பட்டிருந்தது. எனினும், புதிய ஆண்ட்ராய்டு அப்டேட்டில் ஐ.ஓ.எஸ். தளத்தில் இருப்பது போன்று ஆண்ட்ராய்டிலும் மேம்படுத்தப்பட்டிருக்கிறது.
மேம்பட்ட PIP மோட் கொண்டு வாட்ஸ்அப் ஆண்ட்ராய்டு பயனர்கள் சிறிய வீடியோவினை சாட் ஸ்கிரீனை விட்டு வெளியேறினாலும் தொடர்ந்து பார்க்க முடியும். எனினும் சமீபத்திய பீட்டா பதிப்பில் இந்த வசதி செயலிழக்க செய்யப்பட்டிருக்கிறது. இந்த அம்சம் எப்போது அனைவருக்கும் வழங்கப்படும் என்பது குறித்து எவ்வித தகவலும் இல்லை.