தமிழ்நாடு அரசு EB என்னுடன் ஆதாரை இணைக்க கட்டாயமாக்கியுள்ளது, EB உடன் ஆதார் இணைப்பது எப்படி

தமிழக அரசு மின்சார எண்ணுடன் ஆதாரை இணைக்க பல அறிவிப்புகளை வெளியிட்டுள்ளது. இதற்காக பயனர்கள் எளிதில் ஆதார் எண்ணை எலக்ட்ரிசிட்டி பில் இணைப்பு எண்ணுடன் இணைக்கும் வசதியை ஆன்லைனில் செய்துள்ளது. இதற்கு வசதியாக லிங்க் ஒன்றை வெளியிட்டுள்ளது.

இந்நிலையில், ஒன்றிற்கு மேற்பட்ட கணக்குகளுக்கு மேல் எலக்ட்ரிசிட்டி லிங்க் வைத்திருக்கும் பயனர்கள், ஒரே ஆதார் எண்ணை ஒன்றுக்கு மேற்பட்ட எலக்ட்ரிசிட்டி பில் இணைப்பு எண்களுடன் இணைப்பதில் எந்த சிக்கலும் இல்லை என்றும் அரசு தரப்பில் தெரிவிக்கப்பட்டுள்ளது. ஒன்றிற்க்கும் மேற்பட்ட எலெக்ட்ரிசிட்டி இணைப்பு எண் வைத்திருப்பவர்களில் பெரும்பாலானோர் ஒரே செல்போன் எண்ணை மட்டுமே கொடுத்துள்ளதாக தெரிவிக்கப்பட்டுள்ளது.

மேலும், உரிமையாளர்களுக்கு மாதாந்திர வாடகை செலுத்தும் வாடகைதாரர்கள் தங்கள் ஆதார் அட்டையை வாடகை இருப்பிடத்தின் மின் இணைப்பு எண்ணுடன் இணைக்கும் வசதி செய்யப்பட்டுள்ளது. அதுபோல, வாடகைக்கு குடியிருப்பவர்களும் தங்களுடைய ஆதார் அட்டைகளை வாடகைக்கு வசிப்பிடமுள்ள மின்சார இணைப்பு எண்ணுடன் இணைக்க முடியும்.

ஆதார் அட்டையை மின் இணைப்பு எண்ணுடன் இணைக்க TANGEDCO சார்பில் சிறப்பு ஆன்லைன் லிங்க் வெளியிடப்பட்டுள்ளது. பொதுமக்கள் இந்த இணையதள பக்கத்திற்கு https://nsc.tnebltd.gov.in/adharupload/ சென்று ஆதாரை எளிதில் இணைக்கலாம்.

மின் கட்டணத்தை செலுத்தும் போதும் பொதுமக்கள்ஆதார் எண்ணை கொடுத்து சம்பந்தப்பட்ட மின் இணைப்பு எண்ணுடன் இணைக்கலாம் என அறிவிக்கப்பட்டுள்ளது. பயன்ர்கள் இந்த வசதியைப் பயன்படுத்திக் கொள்ளுமாறு மின்சாரத்துறை கேட்டுகொண்டுள்ளது. இந்த நிலையில், ஆதார் எண்ணை இணைக்காத பயனர்கள் மின்சார கட்டணம் செலுத்த 2 நாட்கள் அவகாசத்தையும் மின்சாரத்துறை வழங்கியுள்ளது.

மின் இணைப்பு எண்ணுடன் ஆதாரை எப்படி இணைப்பது?

• முதலில் https://nsc.tnebltd.gov.in/adharupload/ இணையப்பக்கத்திற்கு செல்லவும்.
• அதில், Link your service connection with Aadhar என்று இருக்கும் பகுதியை க்ளிக் செய்து கொள்ளவும்.
• அதன் பிறகு அடுத்த பக்கத்தில், Service Connection Number என்று கேட்கப்படும் அதில் உங்களுடைய மின் இணைப்பு எண் ( E.B. consumer number) பதிவிடவும்.
• தொடர்ந்து Enter கொடுக்கும் போது, அடுத்ததாக திறக்கும் பக்கத்தில், பதிவு செய்யப்பட்ட உங்களது மொபைல் எண்ணின் கடைசி எண் உங்களுக்காக தெரியும். அதனை சரியானதா என்று பார்த்து கொள்ளவும், உடனே அந்த பக்கம் சமர்பிக்கப்பட்டவுடன் அந்த எண்ணிற்கு OTP அனுப்பப்படும்.
• அதனை உள்ளிடவும் (உங்களுடைய எண் Register செய்யப்படவில்லை எனில் Tangedco -ன் முகப்பு பக்கத்தை மீண்டும் திறந்து, அதில் Billing Service என்ற பகுதியை கிளிக் செய்து அதில் இருக்கும் Mobile Number Registration என்ற பகுதியை ஓபன் செய்து பதிவு செய்யவும்.
• அதற்கு அடுத்ததாக, இந்த இடத்தில், Owner or Tenant என்ற பகுதி இருக்கும். அதனை நிரப்பவும், தொடர்ந்து Enter கொடுக்கும் பட்சத்தில் உங்களுடைய எண் பதிவாகிவிடும்.
• OTP உள்ளிட்ட பிறகு, Enter கொடுத்த பின் திறக்கும் பக்கத்தில், உங்களுடைய தனிப்பட்ட தகவல்கள் அதில் காட்டப்படும். அங்கு கேட்கும் கேப்ட்சாவை உள்ளிடவும். அங்கு உங்களுடைய ஆதார் எண் தகவல்கள் கேட்கப்பட்டிருக்கும். அதனை சரியாக நிரப்பிய பின்னர், Declaration கேட்கப்படும்.
• அதனை கிளிக் செய்து Submit கொடுத்தால் வெற்றிகரமாக பதிவு செய்யப்பட்டதாக காண்பிக்கும்.

TANGEDCO, எலெக்ட்ரிசிட்டி  பில் தொடர்ந்து பெற, ஒவ்வொருவரும் தங்களின் TNEB கணக்குடன் ஆதார் அட்டையை இணைப்பதை கட்டாயமாக்கியுள்ளது என்பது குறிப்பிடத்தக்கது