പോക്കോയുടെ പുതിയ സ്മാർട്ട് ഫോണുകൾ ലോക വിപണിയിൽ പുറത്തിറങ്ങിയിരുന്നു .പോക്കോയുടെ X3 എന്ന സ്മാർട്ട് ഫോണുകളാണ് ഇപ്പോൾ ആഗോള തലത്തിൽ പുറത്തിറക്കിയിരിക്കുന്നത്.ഈ സ്മാർട്ട് ഫോണുകൾ 64 മെഗാപിക്സൽ ക്വാഡ് ക്യാമറകളിലാണ് വിപണിയിൽ എത്തിയിരിക്കുന്നത് .ഈ സ്മാർട്ട് ഫോണുകളുടെ വിപണിയിലെ വില വരുന്നത് €199 ആണ് .അതായത് ഇന്ത്യൻ വിപണിയിൽ എത്തുമ്പോൾ ഏകദേശം 17500 രൂപയ്ക്ക് അടുത്തുവരും .ഉടൻ തന്നെ ഇന്ത്യൻ വിപണിയിലും പോക്കോയുടെ ഈ സ്മാർട്ട് ഫോണുകൾ പ്രതീക്ഷിക്കാവുന്നതാണ് .
ഈ സ്മാർട്ട് ഫോണുകൾ 6.67 ഇഞ്ചിന്റെ Full HD ഡിസ്‌പ്ലേയിലാണ് പുറത്തിറങ്ങുന്നത് .അതുപോലെ തന്നെ 2400 x 1080 പിക്സൽ റെസലൂഷനും ഈ സ്മാർട്ട് ഫോണുകൾക്ക് ലഭിക്കുന്നുണ്ട് ..പഞ്ച് ഹോൾ ഡിസ്‌പ്ലേയും കൂടാതെ 20 മെഗാപിക്സലിന്റെ സെൽഫി ക്യാമറകളും പൊക്കോയുടെ ഈ പുതിയ സ്മാർട്ട് ഫോണുകളിൽ ലഭിക്കുന്നതാണ് .
അതുപോലെ തന്നെ Qualcomm Snapdragon 732G പ്രോസ്സസറുകളിലാണ് ഈ പൊക്കോ സ്മാർട്ട് ഫോണുകൾ വിപണിയിൽ എത്തുക .പോക്കോയുടെ X2 സ്മാർട്ട് ഫോണുകളോലേതുപോലെ തന്നെ ഈ സ്മാർട്ട് ഫോണുകൾക്കും 64 മെഗാപിക്സലിന്റെ ക്വാഡ് ക്യാമറകൾ തന്നെയാണ് നൽകിയിരിക്കുന്നത് .64 മെഗാപിക്സൽ + 8 മെഗാപിക്സൽ + 2 മെഗാപിക്സൽ + 2 മെഗാപിക്സൽ ക്യാമറക സെൻസറുകൾ ഈ സ്മാർട്ട് ഫോണുകൾക്ക് നൽകിയിരിക്കുന്നു .അതുപോലെ ഈ സ്മാർട്ട് ഫോണുകൾക്ക് 5,160mAh ബാറ്ററി ലൈഫും (support 33W fast charging out-of-the-box) ലഭിക്കുന്നുണ്ട് .