सणासुदीच्या हंगामात सर्व स्मार्टफोन्स निर्मात्यांनी जास्तीत जास्त ग्राहकांना आकर्षित करण्यासाठी अनेक चांगल्या ऑफर्स देण्याचा निर्णय घेतला होता. श्याओमीने सणांमध्ये उत्कृष्ट डिस्काउंट दिला होता. तर मोटोरोलाने सुद्धा आपल्या स्मार्टफोन्सच्या किंमतीत खूप मोठी घट केली होती. मात्र आम्ही आज ज्या ऑफरविषयी बोलत आहोत, ज्यात काही वेळासाठी कमालीची घट करण्यात आली. चला तर मग जाणून घेऊयात अशा ६ स्मार्टफोन्सविषयी ज्यात आपल्याला उत्कृष्ट सूट मिळत आहे.
एलजी G4 और G4 स्टायलस
ह्या दोन्ही स्मार्टफोनची किंमत कमी करण्याबाबत दिवाळीच्या आधीच जाहीर केले होते. लाँचच्या वेळी ह्या स्मार्टफोन्सची किंमत खूपच जास्त होती. ह्या स्मार्टफोनची किंमत क्रमश: ४०,००० आणि २१,००० हजार रुपये करण्यात आली आहे.
श्याओमी Mi4i
ह्या स्मार्टफोनच्या 16GB च्या व्हर्जनवर आपल्याला १ हजार रुपये बचत करण्याची सुवर्णसंधी मिळत आहे. ह्या स्मार्टफोनची किंमत १२,९९९ रुपये होती, मात्र आता हा आपल्याला ११,९९९ रुपयात मिळेल.
यू यूरेका प्लस
यू यूरेका प्लस स्मार्टफोनमध्ये ही १,००० रुपयाची घट करुन बाजारात उपलब्ध केला आहे.
गूगल नेक्सास 6
नुकतेच लाँच झालेल्या नेक्सास 5X आणि 6P मुळे ह्या स्मार्टफोनची किंमत कमी झाली आहे. ह्या स्मार्टफोनच्या ३२जीबी स्टोरेजच्या स्मार्टफोनची नवीन किंमत २४,९९९ रुपये आणि 64GB च्या व्हर्जनची किंमत २९,९९९ रुपये आहे.
यू यूफोरिया
ह्या स्मार्टफोनच्या किंमतीत कंपनीने ५०० रुपयाची घट केली आहे आणि आता हा ६,४९९ रुपयात उपलब्ध आहे, मात्र जेव्हा हा लाँच झाला होता, तेव्हा ह्याची किंमत ६,९९९ रुपये होती.