शेतीविषयक इत्यंभूत माहिती देतील हे अॅप्स आणि ते ही मराठीतून!

शेतकरी मासिक

ह्या अॅपच्या मदतीने तुम्हाला शेती आणि त्यातील आधुनिक बदलत्या तंत्रज्ञानाबद्दल माहिती मिळेल. ह्यात तुम्हाला सर्व प्रकारची पिकं, पशुसंवर्धन, कुक्कुटपालन, मत्स्य व्यवसाय आदी, वनीकरण, कृषी उद्योग, जैवतंत्रज्ञान आणि शेतीविषयक इतर बरीच माहिती मिळते. तसेच येथे तुम्ही ह्यांचे शेतकरी मासिकही डाऊनलोड करु शकतात.

किसान योजना

शेती व्यवसायासाठी हा अतिशय उत्कृष्ट अॅप आहे. शेतीविषयक तंत्रज्ञानाची माहिती करुन घेण्याची ओढ असलेल्यांसाठी हा एक उत्कृष्ट अॅप आहे. ह्या अॅपच्या माध्यमातून सरकारच्या कृषीविषयक वेगवेगळ्या योजनांची येथे माहिती मिळते. तसेच कोणत्या राज्यासाठी कोणती आणि कशा प्रकारची योजना राबविण्यात आली आहे, ह्या विषयीही माहिती मिळते. तसेच कोणत्या स्कीम्स कोठे उपलब्ध होतील आणि कुठे मिळतील हेदेखील ह्या अॅपच्या माध्यमातून कळते.

कृषीकिंग
ह्या अॅप्सच्या माध्यमातून तुम्हाला शेतीसाठी पूरक असणा-या हवामानाविषयी माहिती मिळते. तसेच पिकांविषयी, बाजारभाव, सरकारी योजना ह्यांविषयीही माहिती मिळते. तसेच येथे तुम्ही शेती तज्ज्ञांना तुमचे प्रश्न विचारु शकता.

कृषी उन्नती

येथे तुम्ही शेतीतज्ज्ञांनी फेसबुक, व्हॉट्सअॅप आणि कृषीउन्नती वेबसाइटवर केलेली चर्चा पाहू शकता. हा अॅप्सवर लॉग-इन केल्यावर तुम्ही जॉयनिंग केलेल्या तारखेपासून तुम्हाला सर्व शेतीवषयक माहिती मिळते. ही माहिती ६ विभागात दिलेली आहे.

चावडी

चावडी हा एक सल्लागार अॅप म्हणून काम करतो. येथे तुम्हाला शेतीतील तज्ज्ञ आणि उच्चशिक्षित शेतक-यांना शेतीविषयक ट्रेनिंग देतात तसेच शेतक-यांना पडलेल्या प्रश्नांचे समाधानकारक उत्तरही देतात. तसेच छोट्या उद्योगांना आणि ज्यांना आपला स्वत:चा व्यवसाय सुरु करायचा असेल त्यांना योग्य ती माहिती पुरवतात तसेच त्यांचा उद्योगासाठी लागणारा कच्चा मालही पुरवतात.