करिअरविषयक मार्गदर्शन करणारे महत्त्वपुर्ण अॅप्स

Dream Big Careers

ह्या अॅपच्या मदतीने विद्यार्थ्यांना शालेय तसेच महाविद्यालयातील विषयांप्रमाणे  ज्याची अधिक आवड आहे, त्याप्रमाणे करियर शोधू शकतात. तसेच येथे तुम्हाला त्या ठराविक करियरसंबंधी सविस्तर माहिती, त्यासाठी काय पात्रता लागते, तसेच करियरसंबंधीचे कोर्सेस, क्लासेस, कॉलेजेस कोणती ह्याबाबतही सविस्तर माहिती मिळते.

Shiksha Ask & Answer

ह्या अॅपच्या माध्यमातून तुम्ही CAT, GATE, JEE Main, GRE, GMAT, SAT, CEED, CLAT ह्या आणि ह्यासारख्या अनेक महत्त्वपुर्ण परिक्षांमध्ये यशस्वी झालेले टॉपर्स तसेच त्यातील तज्ज्ञांना तुमचे प्रश्न विचारु शकता. तसेच बीबीए, एलएलबी, बी.टेक, एमबीए,एमएस, एमबीबीएस ह्यांसारख्या अनेक कोर्सेसविषयी सविस्तर माहिती शोधू शकता. त्यात तुम्ही तुमच्या आवडीनुसार, प्रोफाईलनुसार योग्य तो कोर्स निवडू शकता. तुमच्या आवडीच्या कोर्ससाठी उत्कृष्ट कॉलेजेस, प्लेसमेंट, फॅकल्टी तसेच तेथील फी ह्याविषयी तुम्ही त्या संबंधित कॉलेजेसमध्ये असणा-या विद्यार्थ्यांना प्रश्न विचारु शकता.

करियर काउंसिलर

हा अॅप नुकतीच १० वीच्या परीक्षा दिलेल्या विद्यार्थ्यांसाठी खूपच उपयोगी आणि महत्त्वाचा आहे. ह्यात विद्यार्थ्यांना लवकरच होणा-या पदवी आणि उच्च शिक्षणाच्या क्षेत्रातील परीक्षा, त्यासाठी लागणारा अभ्यास, त्यांचे निकाल, ऑनलाइन काउन्सिलिंग ह्याविषयी माहिती मिळते. तसेच तुम्ही नोकरीसाठी तुमचा बायोडेटा संबंधित कंपनीला पाठवू शकता.

करियर गाइड

हा अॅप विद्यार्थी, पालक, शिक्षक आणि सल्लागार ह्या सर्वांसाठी फायद्याचा आहे. ह्यात २०० पेक्षा अधिक करियर पर्याय आहेत. तसेच तुमची शाळा किंवा कॉलेज संपल्यानंतर तुम्हाला पगार, कामाचे तास, कॉलेजेस, प्लेसमेंट विषयी माहितीही मिळते. तसेच  तुम्ही पाहत असलेल्या करियर क्षेत्राची लाइफस्टाइल, तेथील काम करण्याची पद्धत कशी आहे ह्याविषयीही येथे सविस्तर माहिती मिळते.