Good News! Vodafone Idea ‘या’ 4 प्लॅनमध्ये 5GB डेटा मिळतोय Free , OTT सबस्क्रिप्शन देखील उपलब्ध

Vodafone Idea (Vi) ही भारतीय दूरसंचार क्षेत्रातील तिसरी मोठी कंपनी आहे. VI अधिकाधिक ग्राहकांना आकर्षित करण्यासाठी कंपनी सतत अनेक आकर्षक ऑफर्स आणते . दरम्यान, जर तुम्ही Vodafone Idea चे ग्राहक असाल तर तुमच्यासाठी एक आनंदाची बातमी आहे. आज आम्‍ही तुम्‍हाला Vodafone Ideaच्‍या अशाच काही रिचार्ज प्‍लॅनची ​​माहिती देणार आहोत, जे तुम्‍हाला दैनंदिन डेटासोबत अतिरिक्त फ्री डेटा देतात.

होय, विशेष बाब म्हणजे कंपनी एक किंवा दोन नव्हे तर एकाच वेळी 4 रिचार्ज प्लॅनमध्ये 5GB अतिरिक्त डेटा मोफत देत आहे. त्याबरोबरच, तुम्हाला या प्लॅन्समध्ये OTT लाभ देखील मिळणार आहेत. बघुयात प्लॅन्सची किंमत आणि सविस्तर माहिती.

VI चा 666 रुपयांचा प्लॅन

VI चा हा प्लॅन 56 दिवसांच्या वैधतेसह येतो. या प्लॅनमध्ये वापरकर्त्यांना दररोज 3GB डेटा, अमर्यादित व्हॉइस कॉलिंग आणि दररोज 100 मोफत SMS ची सुविधा मिळते. याशिवाय कंपनी या प्लॅनमध्ये 3 दिवसांसाठी 5GB फ्री डेटा देत आहे. यात वीकेंड डेटा रोलओव्हर आणि अनलिमिटेड नाईट डेटाची सुविधा समाविष्ट आहे. म्हणजेच, वापरकर्ते सोमवार ते शुक्रवारचा उर्वरित डेटा शनिवार आणि रविवारी वापरू शकतात. अमर्यादित नाईट डेटामध्ये, वापरकर्त्यांना मध्यरात्री 12 ते सकाळी 6 पर्यंत पूर्णपणे विनामूल्य अमर्यादित डेटाची सुविधा दिली जाते.

VI चा 699 रुपयांचा प्लॅन

VI चा हा प्लॅन 77 दिवसांच्या वैधतेसह येतो. या प्लॅनमध्ये दररोज 1.5GB डेटा, अमर्यादित व्हॉइस कॉलिंग आणि दररोज 100 मोफत SMS उपलब्ध आहेत. याशिवाय कंपनी या प्लॅनमध्ये 3 दिवसांसाठी 5GB फ्री डेटा देत आहे. यात वीकेंड डेटा रोलओव्हर आणि अनलिमिटेड नाईट डेटाचीही सुविधा आहे.

VI चा 791 रुपयांचा प्लॅन

VI चा हा प्लॅन 84 दिवसांच्या वैधतेसह येतो. यामध्ये दररोज 1.5GB डेटा, अमर्यादित व्हॉइस कॉलिंग आणि दररोज 100 मोफत SMS ची सुविधा समाविष्ट आहे. यामध्येही 3 दिवसांसाठी 5GB डेटा मोफत उपलब्ध आहे. तसेच, वीकेंड डेटा रोलओव्हर आणि अमर्यादित नाईट डेटा बेनिफिटचा समावेश आहे.

VI चा 839 रुपयांचा प्लॅन

VI च्या या प्लॅनची ​​वैधता 84 दिवस आहे. या प्लॅनमध्ये दररोज 2GB डेटा, अमर्यादित व्हॉइस कॉलिंग आणि दररोज 100 मोफत SMS ची सुविधा आहे. कंपनी या प्लॅनसोबत 5GB फ्री डेटा देखील देत आहे, जी 3 दिवसांसाठी वैध असेल. याशिवाय, या प्लॅनसह तुम्ही वीकेंड डेटा रोलओव्हर आणि नाईट डेटाचाही लाभ घेऊ शकता. त्याबरोबरच, हा प्लॅन 3 महिन्यांपर्यंत मोफत Disney+ Hotstar मोबाइल सबस्क्रिप्शनसह येतो.

Follow Us

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile