Vodafone Idea 5G Launched
Vodafone Idea 5G Launched: भारतातील तिसरी सर्वात मोठी टेलिकॉम कंपनी Vodafone Idea च्या 5G सर्व्हिसची प्रतीक्षा दिर्धकाळापासून भारतात सुरु होती. अखेर आता VI युजर्सची प्रतीक्षा संपली आहे. Vodafone Idea (Vi) ने अखेर आपल्या ग्राहकांसाठी 5G सेवा सुरू केली आहे. दोन वर्षांच्या प्रदीर्घ प्रतिक्षेनंतर अखेर कंपनीने आपल्या ग्राहकांना ही आनंदाची बातमी दिली आहे. अहवालानुसार भारतातील 17 परवानाकृत सेवा क्षेत्रांमध्ये (LSAs) 5G सेवा सुरू करण्यात आली आहे.
आम्ही तुम्हाला सांगतो की, दिल्ली, मुंबई आणि कोलकाता यांसारख्या शहरांतील अनेक ठिकाणांचा या यादीत समावेश करण्यात आला आहे. महत्त्वाचे म्हणजेच VI च्या अनेक प्रीपेड आणि पोस्टपेड प्लॅनसह ग्राहकांना 5G कनेक्टिव्हिटी मिळणार आहे.
तुमच्या माहितीसाठी सांगतो की, प्रसिद्ध प्रकाशक TelecomTalk च्या ताज्या अहवालानुसार Vodafone Idea ने अखेर आपल्या ग्राहकांसाठी 5G सर्व्हिस सुरू केली आहे. लक्षात घ्या की, कंपनी मार्च 2025 पर्यंत व्यावसायिकरित्या 5G सेवा रोलआउट करेल. तर, आता कंपनीने 17 परवानाधारक सेवा क्षेत्रांमध्ये निवडक ठिकाणी आपली फास्टेस्ट 5G सर्व्हिस सुरू केली आहे.
महत्त्वाचे लक्षात घ्या की, या सेवेत प्रवेश करण्यासाठी, वोडाफोन आयडियाच्या प्रीपेड ग्राहकांना 475 रुपयांचा प्लॅन ऍक्टिव्ह करणे आवश्यक आहे. तर, कंपनीच्या पोस्टपेड ग्राहकांना 1101 रुपयांचा प्लॅन ऍक्टिव्ह करावा लागेल. रिचार्ज करण्यासाठी क्लिक करा!
भारतातील आघाडीच्या टेलिकॉम कंपन्या Airtel आणि Jio ची 5G सर्व्हिस दोन वर्षांपूर्वी लाँच केली गेली. त्यानंतर, या दोन्ही कंपन्यांचे फास्टेस्ट नेटवर्क जवळपास संपूर्ण भारतात पसरले आहे. दरम्यान, भारतातील तिसऱ्या मोठ्या टेलिकॉम कंपनी Vodafone Idea ने देखील नवी 5G सर्व्हीस लाँच केली आहे. एवढेच नाही तर, भारतातील एकमेव दूरसंचार कंपनी भारत संचार निगम लिमिटेड BSNL च्या 4G आणि 5G सेव्हीसेबद्दल अनेक वृत्त पुढे आले आहेत. यावरून या सेवा देखील लवकरच ग्राहकांसाठी रोल आऊट केले जातील, अशी मोठ्या प्रमाणात शक्यता आहे.
