Vodafone-idea ने पुन्हा एकदा दररोन 4 GB डेटा मिळणार एक प्लॅन आणला आहे. कंपनी आपल्या दैनंदिन 2GB डेटा प्लॅनमध्ये दुप्पट डेटा देत असे. जे काही दिवसांपूर्वी बंद करण्यात आले होते. मात्र, आता कंपनीने पुन्हा कमी किमतीत 4 GB डेटा असलेला प्लॅन आणला आहे. या प्लॅनची किंमत 475 रुपये आहे. जाणून घेऊयात या प्लॅन सविस्तर माहिती…
हे सुद्धा वाचा : WhatsApp ने सर्व निर्बंध हटवले: आता तुम्हाला 'हे' काम उघडपणे मेसेजमध्ये करता येईल
कंपनीचा हा प्लॅन आधीच आला होता, मात्र आता त्यात डेटा वाढवण्यात आला आहे. प्लॅनमध्ये पूर्वी 3 GB डेटा उपलब्ध होता, तो आता दररोज 4 GB करण्यात आला आहे. त्याची वैधता 28 दिवस आहे. अशा प्रकारे यामध्ये तुम्हाला एकूण डेटा 112 GB मिळणार आहे.
प्लॅनमध्ये डेटासोबतच कॉलिंग आणि इतर फायदेही आहेत. यामध्ये अनलिमिटेड कॉलिंगसह दररोज 100 SMS दिले जातात. याशिवाय, Binge All Night, Weekend Data Rollover आणि Vi Movies आणि TV चे मोफत ऍक्सेस मिळेल.
कंपनीचा आणखी एक प्लॅन आहे, ज्यामध्ये डेटा वाढवण्यात आला आहे. हा प्लॅन 409 रुपयांचा आहे. पूर्वी दररोज 3 GB डेटा मिळत होता, तो आता वाढून 3.5 GB प्रतिदिन झाला आहे. यामध्ये 28 दिवसांची वैधता, दररोज 100 SMS सह अमर्यादित कॉलिंग आणि इतर सुविधा उपलब्ध आहेत.