Jio New Year Offer : जिओने नवीन वर्षासाठी आणला खास रिचार्ज प्लॅन

टेलिकॉम कंपनी रिलायन्स जिओने नवीन वर्षात ग्राहकांसाठी शानदार ऑफर्स आणल्या आहेत. Jio ने रु. 2023 आणि रु. 2,999 चे दोन नवीन रिचार्ज प्लॅन सादर केले आहेत. या प्लॅनमध्ये दीर्घ वैधता आणि अमर्यादित कॉलिंग सुविधा उपलब्ध आहे. या प्लॅन्ससह कंपनी यूजर्सना 5G डेटा सुविधा देखील देणार आहे. या ऑफर्स अंतर्गत, वापरकर्त्यांना अतिरिक्त वैधता आणि अतिरिक्त डेटा मिळेल. म्हणजेच, तुम्हाला याला Jio चा पहिला 5G रिचार्ज प्लॅन देखील म्हणता येईल. बघुयात सविस्तर… 

हे सुद्धा वाचा : Jio आणि Airtel वापरकर्त्यांसाठी वाईट बातमी, परत वाढणार प्लॅनच्या किंमती…

जिओचा 2023 रुपयांचा प्लॅन

Jio ने हा प्लॅन न्यू इयर ऑफर प्लॅन म्हणून सादर केला आहे. Jio च्या 2023 रुपयांच्या प्लॅनमध्ये 252 दिवसांची वैधता उपलब्ध आहे. तसेच, प्लॅनमध्ये दररोज 2.5 GB डेटाची सुविधा आहे. म्हणजेच तुम्हाला 252 दिवसांसाठी एकूण 630 GB डेटाची सुविधा मिळणार आहे. जरी, दैनंदिन डेटा मर्यादा संपल्यानंतर, स्पीड 64Kbps वरच राहील आणि तुम्ही इंटरनेटशी कनेक्ट असाल.

यासोबतच कंपनी या प्लॅनमध्ये अमर्यादित 5G डेटा देखील देत आहे. म्हणजेच, जर तुमची जिओच्या वेलकम ऑफरसाठी निवड झाली, तर तुम्हाला अमर्यादित 5G डेटा मिळेल. प्लॅनमध्ये दररोज 100 SMS आणि अमर्यादित कॉलिंग सुविधा देखील आहे. या प्लॅनसह इतर फायदे देखील उपलब्ध आहेत, यामध्ये JioTV, JioCinema JioSecurity, JioCloud ऍप्सचे मोफत सबस्क्रिप्शन समाविष्ट आहे.

जिओचा 2,999 रुपयांचा प्लॅन

जिओच्या वर्षभराच्या प्लॅनमध्येही दररोज 2.5 GB डेटाची सुविधा आहे. प्लॅनसोबत 365 दिवसांची वैधता उपलब्ध आहे. म्हणजेच एकदा रिचार्ज केल्यावर तुम्हाला वर्षभर रिचार्जच्या टेन्शनपासून मुक्ती मिळेल. Jio च्या 2,999 रुपयांच्या रिचार्ज प्लॅनमध्ये अमर्यादित कॉलिंग आणि दररोज 100 SMS देखील उपलब्ध आहेत. या प्लॅनमध्येही कंपनी हाय स्पीड इंटरनेटसाठी 5G डेटा देत आहे. तसेच, JioTV, JioCinema JioSecurity, JioCloud  ऍप्सचे मोफत सबस्क्रिप्शन प्लॅनमध्ये उपलब्ध आहे.

Follow Us

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile