Jio Cricket Packs for the IPL 2024
नुकतेच Jio ने AirFiber Plus वापरकर्त्यांसाठी नवीन धन धना धन ऑफर जाहीर केली आहे. यासह, नवीन आणि विद्यमान ग्राहकांना 60 दिवसांसाठी तीनपट मोफत इंटरनेट स्पीड मिळेल. आम्ही तुम्हाला सांगतो की, IPL 2024 सुरु झाल्यासपासून टेलिकॉम कंपन्यांकडून अनेक प्लॅन्स ऑफर केले जात आहेत. आता नवीन AirFiber Plus ऑफर देखील IPL 2024 स्पर्धेसाठी आली आहे, जी JioCinema ॲपवर विनामूल्य प्रवाहित केली जाईल. चला तर मग जास्त वेळ न घालवता नवीन ऑफरबद्दल जाणून घेऊयात.
तुमच्या माहितीसाठी सांगतो की, JIO चे उद्दिष्ट AirFiber वापरकर्त्यांना वाढीव इंटरनेट स्पीडसह IPL 2024 चे सर्वोत्तम अनुभव प्रदान करण्याचे आहे. JioCinema सर्व IPL 2024 सामने 4K रिझोल्यूशनमध्ये विनामूल्य प्रवाहित करेल. वापरकर्ते सुसंगत 4K टीव्ही आणि डिस्प्लेवर देखील सामने पाहू शकतात. बघुयात ऑफरबद्दल सर्व तपशील-
Jio AirFiber प्लस धन धना धन ऑफर सध्याच्या इंटरनेट स्पीडला आणखी वेग देईल. या प्लॅनसह सध्याच्या स्पीडपेक्षा तिप्पट स्पीड असेल, असे Jio ने सांगितले आहे. ही ऑफर 16 मार्च 2024 पासून देशभरातील सर्व नवीन आणि विद्यमान ग्राहकांसाठी 60 दिवसांसाठी वैध आहे. Jio AirFiber Plus कनेक्शन घेणारे नवीन वापरकर्ते यशस्वी रिचार्ज केल्यानंतर इंटरनेट नव्या स्पीडसह अपग्रेड केले जाईल.
आम्ही तुम्हाला सांगतो की, सध्याच्या वापरकर्त्यांना JIO कडून स्पीड अपग्रेडबाबत पुष्टीकरण ईमेल आणि SMS प्राप्त होतील. लक्षात घ्या की, ही ऑफर 6 महिने किंवा 12 महिन्यांच्या Jio AirFiber Plus प्लॅनसह असलेल्या ग्राहकांना लागू होईल.
स्पीड बूस्टर ऑफर केवळ Jio AirFiber वापरकर्त्यांसाठी उपलब्ध आहे, जे 5G-आधारित FWA तंत्रज्ञान वापरतात. मात्र, लक्षात घ्या की, ऑफरमध्ये Jio 5G सिम कार्ड समाविष्ट नाही. त्याबरोबरच, हे Jio Fiber FTTH (फायबर टू द होम) वापरकर्त्यांना लागू होणार नाही. ही ऑफर 6 महिने किंवा 12 महिन्यांच्या Jio AirFiber Plus प्लॅनवर असलेल्या ग्राहकांना लागू होईल.
