BSNL चा बंद झालेला नंबर ऍक्टिव्ह कसे कराल?
आपणा सर्वांना माहितीच आहे की, जुलै महिन्याच्या सुरुवातीला Jio, Airtel आणि VI या तिन्ही टेलिकॉम दिग्गज कंपन्यांनी आपल्या रिचार्ज प्लॅन्सच्या किमती वाढवल्या. या दरवाढीचा जनसामान्यांना मोठा फटका बसला आहे. त्यामुळे आता बरेच युजर्स भारतातील एकमेव सरकारी टेलिकॉम कंपनी BSNL कडे वळत आहेत. कारण BSNL आपल्या प्लॅनमध्ये अगदी स्वस्त किमतीत मोठे फायदे उपलब्ध करून देते.
जर तुमच्याकडे BSNL मोबाईल नंबर आधीपासूनच उपलब्ध आहे. पण तो काही कारणास्तव बंद झाला असेल, तर तुम्ही तो पुन्हा ऍक्टिव्ह करू शकता. मात्र लक्षात घ्या की, बंद केलेला BSNL सिम क्रमांक केवळ एका ठराविक कालमर्यादेतच पुन्हा सक्रिय केला जाऊ शकतो.
Also Read: आगामी Motorola Edge 50 ची भारतीय लाँच डेट कन्फर्म! मिळेल स्मार्ट वॉटर टच फिचर, बघा विशेषता
TRAI च्या नियमांनुसार, प्रीपेड मोबाइल वापरकर्त्यासाठी त्याच्या फोनमध्ये विशिष्ट बॅलन्स असणे आवश्यक आहे. याव्यतिरिक्त, जे वापरकर्ते आउटगोइंग किंवा इनकमिंग कॉल्स, SMS, इ. कोणतीही सेवा सलग 90 दिवस मोबाइल नंबर वापरत नाहीत, असे नंबर निष्क्रिय केले जातात. मात्र, वापरकर्त्यांना 15 दिवसांचा अतिरिक्त कालावधी देखील मिळतो. या कालावधीत सिम रिचार्ज केल्यास, बंद झालेला BSNL क्रमांक पुन्हा सक्रिय केला जाऊ शकतो.
जर तुमचे सिम कार्ड हरवले असेल आणि रिचार्ज केले नसेल, तर तुम्ही खाली दिलेल्या स्टेप्स फॉलो करून BSNL सिम पुन्हा ऍक्टिव्ह करू शकता. पहा प्रक्रिया
दुसरीकडे, जर तुमचा BSNL नंबर चुकीच्या CAF मुळे ऑपरेटरने डिस्कनेक्ट केला असेल, तर तुम्ही पुढील प्रक्रियेद्वारे नंबर पुन्हा सक्रिय करू शकता.
