BSNLने दिवाळी ऑफर अंतर्गत लाँच केला नवीन प्लॅन
या प्लॅनमध्ये ग्राहकांना एका वर्षाची वैधता मिळेल.
प्लॅनमध्ये मिळणारे बेनिफिट्स दर महिन्याला रिन्यू केले जातील.
तुम्ही परवडणाऱ्या किमतीत दीर्घ वैधतेसह प्लॅन शोधत असाल तर भारत संचार निगम लिमिटेड (BSNL) कडून नवीन प्रीपेड योजना तुमच्या गरजा पूर्ण करू शकते. वास्तविक, BSNL ने दिवाळी ऑफर अंतर्गत वर्षभर वैधता असलेला स्वस्त प्लॅन लाँच केला आहे. नवीन प्लॅन देशभरातील सर्व प्रीपेड वापरकर्त्यांसाठी उपलब्ध आहे. हा प्लॅन अशा लोकांसाठी सर्वोत्तम पर्याय असू शकतो, ज्यांना एकदा रिचार्ज करून वर्षभर तणावमुक्त राहायचे आहे. ही मनोरंजक योजना कोणती आहे हे जाणून घेऊ इच्छिता? चला सविस्तर जाणून घेऊया…
हे सुद्धा वाचा : Nothing Ear (stick) 17 नोव्हेंबरपासून भारतात विक्रीसाठी उपलब्ध असेल, पहा एकूण-एक डिटेल
कंपनीने ट्विट करून याबाबत माहिती दिली :
Celebrate #DhamakedaarDiwali with #BSNL festive offers!
3GB data, 300 minutes calling and 30 SMS per month for 12 months.#FestiveOffer #PV1198 #DiwaliSpecial pic.twitter.com/SFO1baxfp0— BSNL India (@BSNLCorporate) October 22, 2022
BSNL च्या 1198 रुपयांच्या प्रीपेड प्लॅनमध्ये काय मिळेल?
BSNL ने दिवाळी ऑफर अंतर्गत 365 दिवसांची वैधता असलेला स्वस्त प्लॅन लाँच केला आहे. खरं तर, आम्ही ज्या प्लॅनबद्दल बोलत आहोत त्याची किंमत 1,198 रुपये आहे. BSNL चा हा प्रीपेड प्लॅन ज्या वापरकर्त्यांना मूलभूत फायद्यांसह अधिक वैधता हवी आहे, त्यांच्यासाठी सर्वोत्तम पर्याय आहे.
यासोबतच युजरला प्लॅनमध्ये दर महिन्याला 3 GB डेटा, 300 मिनिटे कॉलिंग आणि 30 SMS मिळतील. हे बेनिफिट्स दर महिन्याला रिन्यू केले जातील. म्हणजेच ढोबळमानाने असे म्हणता येईल की, एका वर्षात युजरला एकूण 36 GB डेटा मिळेल. येथे लक्षात घेण्याजोगा मुद्दा असा आहे की, हे फायदे दर महिन्याच्या शेवटी कालबाह्य होतील आणि पुढील महिन्यासाठी प्रत्येक वेळी रिन्यू केले जातील.
Follow Us
Reshma Zalke
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile
