BSNL Plans
BSNL Cricket Bonanza Offer: सध्या भारतात क्रिकेट लव्हर्ससाठी मोठा उत्सव म्हणजेच IPL सुरु आहे. सर्व खाजगी टेलिकॉम कंपन्यानी क्रिकेट चाहत्यांसाठी IPL निमित्त अनेक प्लॅन्स आणि ऑफर्स जाहीर केले आहेत. आता सरकारी टेलिकॉम कंपनी BSNL चे नाव देखील या यादीत जोडले गेले आहे. होय, BSNL ने आपल्या ग्राहकांसाठी एक खास BSNL Cricket Bonanza ऑफर सादर केली आहे.
नव्या ऑफर अंतर्गत, कंपनी स्वस्त डेटा प्लॅनसह वापरकर्त्यांना भरपूर डेटा बेनिफिट्स देत आहे. हे बेनिफिट संपूर्ण दोन महिने म्हणजेच 60 दिवसांसाठी उपलब्ध असेल. जाणून घेऊयात सविस्तर-
सरकारी टेलिकॉम कंपनी BSNL ने कंपनीच्या अधिकृत X हँडलद्वारे BSNL Cricket Bonanza Offer ची माहिती दिली आहे. महत्त्वाचे लक्षात घ्या की, ही ऑफर आज 31 मार्चपासून सुरू झाली आहे, जी 25 एप्रिल 2025 पर्यंत लाइव्ह असणार आहे. तुमच्या लक्षात आलेच असेल की, ही ऑफर मर्यादित काळासाठी उपलब्ध असेल.
BSNL च्या क्रिकेट ऑफरच्या बेनिफिट्सबद्दल बोलायचे झाल्यास, कंपनीने 251 रुपयांच्या डेटा प्लॅनअंतर्गत ही ऑफर सादर केली आहे. महत्त्वाचे लक्षात घ्या की, हा कंपनीचा एक नवीन डेटा प्लॅन आहे, जो संपूर्ण 60 दिवसांच्या वैधतेसह येतो. डेटा वापरासाठी, या प्लॅनमध्ये वापरकर्त्यांना 251 रुपयांमध्ये 251GB डेटाचा ऍक्सेस मिळेल. या रिचार्जनंतर, क्रिकेट चाहते नॉन-स्टॉप क्रिकेटचा आनंद घेऊ शकतील.
आपणा सर्वांना माहितीच आहे की, JioHotstar वर IPL मोफत स्ट्रीम केले जात आहे. IPL ऑफर अंतर्गत, Jio कंपनी 299 रुपयांपेक्षा जास्त रिचार्जवर मोफत JioHotstar OTT सबस्क्रिप्शन देत आहे. तसेच, Vodafone Idea कंपनी 239, 399 आणि 101 रुपयांच्या प्लॅनसह मोफत जिओहॉटस्टार सबस्क्रिप्शन देत आहे.
