महत्वाचे मुद्दे
भारती एयरटेलने गेल्या काही काळात युजर्सना आकर्षित करण्यासाठी अनेक रिचार्ज प्लान्स सादर केले आहेत आणि अनेक जुन्या प्लान्स मध्ये बदल करून ते सादर केले आहेत. काही दिवसांपूर्वी एयरटेलने आपल्या प्रीपेड युजर्ससाठी Rs 169 चा प्लान सादर केला होता जो वोडाफोनच्या Rs 159 प्लानला टक्कर देऊ शकेल हा प्लान फक्त काही निवडक युजर्ससाठीच सादर केला गेला होता. आता Airtel ने आपला Rs 169 चा प्लान ओपन मार्केट प्लान म्हणून सादर केला आहे. तसेच एयरटेलने आपल्या Rs 399 आणि Rs 448 च्या प्रीपेड प्लान्स मध्ये पण बदल केले आहेत. Rs 399 च्या प्लान मधील डेटा बेनिफिट कमी करण्यात आले आहेत तर Rs 448 च्या प्लान मध्ये डेटा बेनिफिट वाढवण्यात आले आहेत.
एयरटेल आपल्या Rs 169 च्या प्रीपेड प्लान मध्ये 1GB 2G/3G/4G डेटा, अनलिमिटेड वॉयस कॉलिंग आणि प्रतिदिन 100 SMS देत आहे आहे आणि या प्लानची वैधता 28 दिवस आहे. आधी या प्लान मध्ये हेच लाभ फक्त निवडक लोकांना मिळत होते. पण आता एयरटेलचे सर्व प्रीपेड युजर्स या प्लानचा लाभ घेऊ शकतात. जर तुम्ही जास्त कॉलिंग करणारे असाल तर हा प्लान तुमच्यासाठी योग्य आहे.
एयरटेलने आपल्या Rs 399 आणि Rs 448 च्या प्रीपेड प्लान्स मध्ये पण बदल केले आहेत. आधी Rs 399 च्या प्लानची वैधता काही युजर्ससाठी 70 आणि काहींसाठी 84 दिवस होती. पण आता एयरटेलने Rs 399 च्या प्लानची वैधता आता 84 दिवसांची केली आहे आणि या प्लान मध्ये युजर्सना प्रतिदिन 1GB डेटा मिळत आहे तर आधी या प्लान मध्ये युजर्स प्रतिदिन 1.4GB डेटा वापरू शकत होते. आता या प्लान मध्ये एयरटेल प्रतिदिन 1GB डेटा, अनलिमिटेड कॉलिंग आणि प्रतिदिन 100 SMS देत आहे आणि प्लानची वैधता 84 दिवस आहे.
Rs 448 च्या प्रीपेड रिचार्ज बद्दल बोलायचे झाले तर या प्लान मध्ये आता प्रतिदिन 1.5GB डेटा मिळत आहे जो आधी प्रतिदिन 1.4GB होता. या प्लान मध्ये आता युजर्सना 82 दिवसांसाठी प्रतिदिन 1.5GB डेटा, अनलिमिटेड कॉलिंग आणि प्रतिदिन 100 SMS मिळत आहेत.