airtel wynk music plan
आज आम्ही तुम्हाला Airtel च्या एका अशा प्लॅनबद्दल सांगणार आहोत, ज्यामध्ये तुम्हाला अनलिमिटेड कॉलिंग आणि डेटाचा लाभ मिळतो. हा प्लॅन अशा ग्राहकांसाठी आहे, ज्यांना सुमारे तीन महिन्यांसाठी प्लॅन हवा आहे. तसेच, त्यात दैनंदिन डेटाची मर्यादा नाही आणि अमर्यादित कॉलिंगसह SMS इत्यादी पाठवण्याची सुविधा आहे. या प्लॅनची खास गोष्ट म्हणजे यामध्ये मिळणारा इंटरनेट डेटा तुम्ही तुमच्या सोयीनुसार वापरू शकता.
हे सुद्धा वाचा : 5000mAh बॅटरीसह Moto E13 बजेट स्मार्टफोन लाँच, फुल चार्जवर 36 तासांपर्यंत चालेल फोन
Airtel बेस्ट रिचार्ज प्लॅनमध्ये समाविष्ट असलेला हा प्रीपेड प्लॅन 455 रुपयांमध्ये येतो. या प्लॅनमध्ये तुम्हाला 84 दिवसांची वैधता मिळते. वैधता दरम्यान, तुम्हाला रोमिंग कॉल्सशिवाय अमर्यादित लोकल, STD कॉलिंगचा लाभ मिळतो. या प्लॅनमध्ये तुम्हाला 6GB डेटा दिला जातो, जो प्लॅनची वैधता होईपर्यंत वैध असेल. म्हणजेच, वैधतेदरम्यान तुम्ही तुमच्या गरजेनुसार हा डेटा वापरू शकता आणि त्यात कोणतीही दैनिक मर्यादा नाही.
कंपनीच्या या स्वस्त रिचार्ज प्लॅनमध्ये 900 मोफत SMSचा लाभही उपलब्ध आहे. तसेच, यामध्ये FASTag वर 100 रुपयांचा कॅशबॅक देण्यात आला आहे. तसेच, तुम्हाला मोफत Hello Tunes चे सबस्क्रिप्शन मिळेल जेणे करून तुम्ही तुमचे आवडते गाणे Hello Tune म्हणून सेट करू शकता. यामध्ये तुम्हाला विंक म्युझिक फ्री सबस्क्रिप्शन मिळेल. ज्याद्वारे तुम्ही नवीनतम गाणी ऐकू शकता आणि तुमची हॅलो ट्यून म्हणून सेट करू शकता.
हा प्लॅन अशा ग्राहकांसाठी सर्वात फायदेशीर आहे, ज्यांना कॉलिंगसाठी दीर्घ वैधता आणि अमर्यादित कॉलिंग आवश्यक आहे. तरीही, हा प्लॅन तुम्हाला 6GB इंटरनेट देते, जेणेकरून तुमच्याकडे इंटरनेट कनेक्टिव्हिटीचा बॅकअप देखील असेल.