Xioami 14 Civi: Xiaomi च्या लेटेस्ट Xiaomi 14 Civi स्मार्टफोनच्या भारतीय लाँचची चर्चा अनेक दिवसांपासून सुरु होती. आता अखेर कंपनीने भारतात Xiaomi 14 Civi लाँच केला आहे. आम्ही तुम्हाला सांगतो की, भारतीय Civi सिरीजमधील हे पहिले उपकरण आहे, जे भारतीय बाजारपेठेत लाँच करण्यात आले आहे. विशेष म्हणजे परिपूर्ण फोटो क्लिक करण्यासाठी या स्मार्टफोनमध्ये Leica बॅक कॅमेरा सेटअप देण्यात आला आहे. Xiaomi 14 Civi हे आधीच बाजारात असलेल्या OnePlus, Samsung आणि Oppo च्या स्मार्टफोन्सना कठीण आव्हान देईल.
Xiaomi 14 Civi स्मार्टफोन 8GB + 256GB आणि 12GB + 512GB स्टोरेज मॉडेलमध्ये लाँच करण्यात आला आहे. या दोन्ही मॉडेल्सची किंमत अनुक्रमे 42,999 रुपये आणि 47,999 रुपये आहे. ऑफर्सबद्दल बोलायचे झाल्यास, फोनवर बँकेकडून 3000 रुपयांची सूट आणि 3000 रुपयांची एक्सचेंज ऑफर उपलब्ध आहे.
आम्ही तुम्हाला सांगतो की, Xiaomi 14 Civi चे प्री-बुकिंग आजपासून सुरू झाले आहे. उपलब्धतेबद्दल बोलायचे झाल्यास, या फोनची विक्री अधिकृत वेबसाइट आणि ऑनलाइन शॉपिंग प्लॅटफॉर्म फ्लिपकार्टवर 20 जूनपासून सुरू होणार आहे.
Xiaomi 14 Civi च्या नवीन स्मार्टफोनमध्ये 6.71 इंच लांबीचा AMOLED डिस्प्ले देण्यात आला आहे. या डिस्प्लेचा रिफ्रेश रेट 120Hz इतका आहे. सुरळीत कामकाजासाठी, स्मार्टफोनमध्ये क्वालकॉमचा स्नॅपड्रॅगन 8s Gen 3 प्रोसेसर, 12GB रॅम आणि 256GB अंतर्गत स्टोरेज देण्यात आली आहे. नवीन फोनमध्ये 4,700mAh बॅटरी आहे, जी 67W फास्ट चार्जिंग टेक्नॉलॉजीसह येते. सुरक्षेसाठी या फोनमध्ये फिंगरप्रिंट सेन्सर आणि फेस अनलॉक आहे.
फोटोग्राफीसाठी Xiaomi 14 Civi मध्ये Leica ने बनवलेला ट्रिपल रियर कॅमेरा सेटअप आहे. यामध्ये 50MP मुख्य सेन्सर, 50MP टेलिफोटो लेन्स आणि 12MP अल्ट्रा वाइड अँगल सेन्सर समाविष्ट आहे. आकर्षक सेल्फीसाठी हँडसेटच्या पुढील बाजूस 32MP ड्युअल रियर कॅमेरा सेटअप उपलब्ध आहे. लाइव्ह, नाईट आणि HDR सारखे कॅमेरा फीचर्स यामध्ये उपलब्ध आहेत. या फोनद्वारे युजर्सना 4K Video ही रेकॉर्ड करता येतील.
