पुढील ऑक्टोबर महिना स्मार्टफोन बाजारासाठी अत्यंत महत्त्वाचा ठरणार आहे.
Samsung Galaxy S24 FE ची खुली विक्री 3 ऑक्टोबरपासून ऑर्डरसाठी उपलब्ध होईल.
Tecno Phantom V Fold 2 आणि V Flip 2 स्मार्टफोन भारतात नंतर ऑक्टोबर 2024 मध्ये लाँच होतील, अशी अफवा आहे.
Upcoming Phones in October 2024: सप्टेंबर 2024 महिना आता संपुष्टात आला आहे, हा महिना भारतीय स्मार्टफोन बाजारासाठी अतिशय महत्त्वाचा ठरला आहे. या महिन्यात Apple iPhone 16 सिरीज स्मार्टफोनसह अनेक टॉप ब्रँड्सचे स्मार्टफोन भारतात लाँच झाले आहेत. त्याचप्रमाणे, पुढील ऑक्टोबर महिनासुद्धा स्मार्टफोन बाजारासाठी अत्यंत महत्त्वाचा ठरणार आहे. पुढील महिन्यात देखील अनेक जबरदस्त आणि बहुप्रतीक्षित स्मार्टफोन्स लाँच होण्यास सज्ज झाले आहेत. पाहुयात यादी-
Also Read: VI New OTT Plans: कंपनीने लाँच केला नवा आकर्षक प्लॅन 400 TV चॅनेल्सदेखील Free, पहा किंमत
Samsung Galaxy S24 FE
Samsung Galaxy S24 FE आधीच भारतात लाँच करण्यात आला आहे. हा फोन ब्लू, ग्रेफाइट, ग्रे, मिंट आणि यलो कलर पर्यायांमध्ये उपलब्ध आहे. Samsung Galaxy S24 FE ची खुली विक्री 3 ऑक्टोबरपासून ऑर्डरसाठी उपलब्ध होईल. या फोनमध्ये 6.7-इंच लांबीचा FHD+ डायनॅमिक AMOLED 2X डिस्प्ले 120Hz ॲडॉप्टिव्ह रिफ्रेश रेटसह आहे. हा हँडसेट Exynos 2400e प्रोसेसरद्वारे समर्थित आहे. फोटोग्राफीसाठी, नवीनतम फॅन एडिशनमध्ये 50MP वाइड लेन्स, 3x ऑप्टिकल झूमसह 8MP टेलिफोटो लेन्स आणि मागील बाजूस 12MP अल्ट्रा-वाइड लेन्स आहे. सेल्फीसाठी यात एक 10MP सेल्फी शूटर आहे. तसेच, हा स्मार्टफोन 25W चार्जिंग सपोर्टसह 4,700 mAh बॅटरीसह येतो.
OnePlus 13
OnePlus 13 या महिन्यात चीनमध्ये लाँच होण्याची अपेक्षा आहे, त्यानंतर ऑक्टोबर 2024 मध्ये आंतरराष्ट्रीय रिलीझ होण्याची शक्यता आहे. या फोनमध्ये कॅमेरा आयलँड, ॲल्युमिनियम फ्रेम मिळेल. तसेच, OnePlus 13 पाणी आणि धूळ प्रतिरोधासाठी IP68 रेटिंगसह येण्याची अपेक्षा आहे. फोनमध्ये 6.8-इंच लांबीचा 8T LTPO OLED डिस्प्लेमध्ये संभाव्य मायक्रो-क्वाड कर्व पॅनेलसह 2.5K रिझोल्यूशन मिळण्याची शक्यता आहे. फोनबद्दल अधिक माहिती सोशल मीडियावर उपलब्ध आहे.
Vivo X200 Series
सप्टेंबर 2024 च्या उत्तरार्धात, Vivo चे प्रोडक्ट मॅनेजर Han Boxiao ने Weibo वर आगामी Vivo X200 चे डिझाईन आणि कलर ऑप्शन्स रिलीज केले आहेत. विवो 14 ऑक्टोबर रोजी अधिकृतपणे X200 मालिका लाँच करेल, ज्यामध्ये X200 Pro, X200 स्टॅंडर्ड एडिशन आणि X200 Pro मिनीचा समावेश अपेक्षित आहे. तर, X200 Ultra फोन 2025 च्या सुरुवातीस येणार आहे.
Tecno Phantom V Fold 2 आणि V Flip 2
Tecno ने Phantom V Fold 2 आणि Phantom V Flip 2 आंतरराष्ट्रीय स्तरावर लॉन्च केले आहेत. परंतु अद्याप हे फोन भारतात लाँच करण्यात आले नाहीत. दोन्ही फोन AMOLED डिस्प्ले आणि MediaTek डायमेन्सिटी चिपसेटद्वारे समर्थित आहेत. भारतीय चलनानुसार Phantom V Fold 2 ची किंमत सुमारे 89,000 रुपये आहे आणि V Flip 2 ची किंमत जवळपास 60,000 रुपये इतकी आहे. दोन्ही स्मार्टफोन भारतात नंतर ऑक्टोबर 2024 मध्ये लाँच होतील, अशी अफवा आहे.
Follow Us
Reshma Zalke
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile
