Tecno ने अलीकडेच Phantom X2 भारतात लाँच केले आणि आता कंपनी एंट्री-लेव्हल सेगमेंटवर लक्ष केंद्रित करत आहे. कंपनी लवकरच आपला नवीन बजेट स्मार्टफोन Tecno Spark Go 2023 भारतात सादर करणार आहे. आज आपण फोनचे स्पेक्स, डिझाईन आणि किंमत याबाबत माहिती घेऊयात…
हे सुद्धा वाचा : iPhone 15 सीरीजची किंमत आली समोर, एवढा महागडा फोन तुम्ही घेणार का?
PassionateGeekz नुसार, Tecno Spark Go 2023 3GB + 32GB स्टोरेज वेरिएंटसाठी 6,999 रुपयांना ऑफर केले जाईल. हा फोन ब्लॅक, पर्पल आणि ग्रीन कलरमध्ये येईल. हा स्मार्टफोन आधीच ऑफलाइन रिटेल स्टोअर्सवर उपलब्ध करून देण्यात आला आहे. तसेच, ऑनलाईन उपलब्धतेबद्दल बोलायचे झाल्यास, फोन Amazon वर विकला जाईल.
Tecno Spark Go 2023 हा एक बजेट फोन असेल. लाईव्ह इमेजनुसार, डिव्हाइसला वॉटर-ड्रॉप नॉच डिस्प्ले आहे आणि फोनला HD+ रिझोल्यूशन आणि सपोर्ट मेमरी फ्यूजनसह 6.55-इंच लांबीचा डिस्प्ले मिळेल.
कॅमेरा मॉड्यूल फोनच्या मागील बाजूस चौकोनी आकारात उपलब्ध आहे, ज्यामध्ये दोन सेन्सर आहेत. यात 13MP AI कॅमेरा आणि दुसरा ऑक्झिलरी सेन्सर मिळेल. फोनच्या पुढील बाजूस 5MP सेल्फी कॅमेरा उपलब्ध असेल.
Tecno Spark Go 2023 MediaTek Helio A22 SoC द्वारे समर्थित असेल, जो एक एंट्री-लेव्हल चिपसेट आहे. फोन 3GB RAM आणि 32GB अंतर्गत स्टोरेजसह जोडला गेला आहे. स्मार्टफोनमध्ये 5,000mAh ची बॅटरी मिळेल, जी USB Type-C पोर्टला सपोर्ट करेल.