TECNO SPARK GO 2023 भारतात लाँच
नव्या फोनची किंमत 6,999 रुपये ठेवण्यात आली आहे.
त्याची विक्री सर्व रिटेल स्टोअरमधून सुरू झाली आहे.
TECNO ने भारतीय बाजारात TECNO SPARK GO 2023 हा नवीन फोन लाँच केला आहे. TECNO SPARK GO 2023 खासकरून ज्यांना कमी किमतीत स्मार्टफोन हवा आहे त्यांच्यासाठी लॉन्च करण्यात आला आहे. TECNO SPARK GO 2023 मध्ये जलद चार्जिंग सपोर्टसह मोठी 5000mAh बॅटरी आहे. TECNO SPARK GO गेल्या वर्षी डिसेंबरमध्ये 7,499 रुपयांच्या किमतीत लाँच करण्यात आला होता.
हे सुद्धा वाचा : आता घरबसल्या मोबाईलवर सर्व TV चॅनेल मोफत, JIO वर उपलब्ध खास ऑफर
TECNO SPARK GO 2023
TECNO SPARK GO 2023 मध्ये 90% स्क्रीन-टू-बॉडी रेशोसह 6.56-इंच लांबीचा डॉट नॉच HD+ डिस्प्ले आहे. डिस्प्लेचा टच सॅम्पलिंग रेट 120Hz आहे. फोनला वॉटर रेसिस्टन्टसाठी IPX2 रेटिंग मिळाली आहे. फोनमध्ये स्मार्ट फिंगरप्रिंट सेन्सर देखील देण्यात आला आहे. यात 3 GB रॅम असून 32 GB स्टोरेज आहे, जे मेमरी कार्डच्या मदतीने वाढवता येते.
TECNO SPARK GO 2023 टाईप-C चार्जिंग सपोर्टसह 5000mAh बॅटरी पॅक करते. फोनमध्ये 10W फास्ट चार्जिंग देखील आहे आणि चार्जर बॉक्समध्येच मिळेल. टाइप-C पोर्टसह येणारा या सेगमेंटमधील हा पहिला फोन आहे.
TECNO SPARK GO 2023 सह ड्युअल रिंग कॅमेरा सेटअप आहे. ज्यामध्ये प्रायमरी लेन्स 13 मेगापिक्सेल आहे. यासह AI चा सपोर्ट देखील आहे. कॅमेऱ्यासोबत पोर्ट्रेट, एचडीआर, टाइम-लॅप्स आणि AI सीन डिटेक्शन सारखी फीचर्स आहेत.
किंमत :
TECNO SPARK GO 2023 ची किंमत 6,999 रुपये ठेवण्यात आली आहे आणि त्याची विक्री सर्व रिटेल स्टोअरमधून सुरू झाली आहे. नेब्युला पर्पल, एंडलेस ब्लॅक आणि यूआनी ब्लू या तीन कलर व्हेरियंटमध्ये फोन खरेदी करण्याची संधी असेल.
Follow Us
Reshma Zalke
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile
