SAMSUNG कडे फोल्ड करण्यायोग्य उपकरणांचा सर्वात मोठा पोर्टफोलिओ आहे आणि त्याचे नवीनतम गॅलेक्सी झेड फोल्ड 4 आणि गॅलेक्सी झेड फ्लिप 4 स्मार्टफोन देखील लोकप्रिय होत आहेत. आता कंपनीने त्याचा कॉम्पॅक्ट आकार Galaxy Flip 4 नवीन ब्लू कलर ऑप्शनमध्ये आणला आहे.
हे सुद्धा वाचा : Amazon Great Indian Festival Sale मध्ये 10,000 रुपयांच्या आत नवीन आणि स्वस्त फोन्स, बघा यादी
नवीन Galaxy Z Flip 4 च्या फीचर्समध्ये आणि डिझाइनमध्ये कोणताही बदल करण्यात आलेला नाही. याआधी, ग्राहकांना हे उपकरण फक्त बोरा पर्पल, ग्रेफाइट आणि पिंक गोल्ड कलर ऑप्शनमध्ये मिळत होते, पण आता ते हा फोल्डेबल स्मार्टफोन ब्लू कलरमध्येही खरेदी करू शकतील. या कॉम्पॅक्ट डिझाईन डिव्हाइसवर विशेष सवलत देखील उपलब्ध आहेत.
भारतात Galaxy Z Flip 4 ची किंमत 8GB+128GB व्हेरिएंटसाठी Rs.89,999 आणि 8GB+256GB व्हेरिएंटसाठी Rs.94,999 इतकी ठेवण्यात आली आहे. हे उपकरण खरेदी करणार्‍या ग्राहकांना 31,999 रुपये किमतीचे Galaxy Watch 4 Classic फक्त रु. 2,999 मध्ये खरेदी करण्याचा पर्याय मिळत आहे. तर, HDFC बँक कार्ड वापरून पेमेंट व्यवहारावर 7,000 चा कॅशबॅक आणि रु. 7,000 चा अपग्रेड बोनस आहे.
सॅमसंगच्या फोल्डेबल डिव्हाईसमध्ये क्वालकॉम स्नॅपड्रॅगन 8+ प्रोसेसर देण्यात आला आहे. तसेच, या डिव्हाइसला 3,700mAh क्षमतेसह मागील मॉडेलपेक्षा 10 टक्के जास्त बॅटरी मिळते. यात उपलब्ध असलेल्या सुपर-फास्ट चार्जिंगसह ते केवळ 30 मिनिटांत शून्य ते 50 टक्के चार्ज केले जाऊ शकते. फोनमध्ये 12MP अल्ट्रा-वाइड आणि 12MP वाइड अँगल कॅमेर्‍यांसह ड्युअल कॅमेरा सेटअप आहे. 10MP सेल्फी कॅमेरा असलेल्या फोनमध्ये 6.7-इंच लांबीचा प्रायमरी डिस्प्ले आणि 1.9-इंच लांबीचा सेकंडरी डिस्प्ले आहे. Android 12 वर आधारित OneUI 4.1 सॉफ्टवेअर Flip 4 मध्ये उपलब्ध आहे. डिव्हाइस IPX8 वॉटर रेझिस्टन्स रेटिंगसह येते.