Samsung कंपनी Samsung Galaxy M54 5G आता लवकरच बाजारात लाँच करणार आहे. जरी Galaxy M53 5G वर्षाच्या सुरुवातीला लाँच झाला होता, जो अद्याप भारतात केला गेला नाही, Galaxy M52 आता उपलब्ध आहे. तसेच, नुकतेच देशात 5G फिचर लाँच करण्यात आले आहे आणि सॅमसंगने भारतीय वापरकर्त्यांसाठी लवकरच 5G फिचर आपल्या फोनवर उपलब्ध करून देण्याचे आश्वासन दिले आहे. त्यामुळे अशी अपेक्षा केली जाऊ शकते की, कंपनी लवकरच भारतात पावरफुल फिचरसह 5G फोन लाँच करणार आहे.
हे सुद्धा वाचा : VI : दिवाळी ऑफरमध्ये युजर्सची मज्जाच मजा ! मोबाईल रिचार्जवर हॉटस्टारसह 75 GB डेटा मोफत
यूट्यूब चॅनल 'द पिक्सेल' असा दावा करतो की, सॅमसंग 2023 च्या सुरुवातीस हाय-एंड स्नॅपड्रॅगन 800-सिरीज चिपसेट आणि 90Hz रिफ्रेश रेट स्क्रीनसह Galaxy M54 5G लाँच करेल. फोनची किंमत आणि इतर काही स्पेसिफिकेशन्स देखील टिपस्टरने उघड केले आहेत.
स्त्रोतानुसार, Samsung Galaxy M54 5G फोनमध्ये 32MP सेल्फी कॅमेरासह 6.67-इंच लांबीचा फुल HD+ AMOLED डिस्प्ले मिळत आहे. फोनच्या मागील बाजूस, ट्रिपल कॅमेरा सेटअपमध्ये 64MP प्रायमरी कॅमेरा, 5MP मॅक्रो सेन्सर आणि 8MP अल्ट्रा-वाइड कॅमेरा समाविष्ट आहे.
6000mAh बॅटरीसह 25W फास्ट चार्जिंग सपोर्ट दिला जात आहे. याशिवाय फोनमध्ये जवळपास 8GB रॅम आणि 128GB इंटरनल स्टोरेज दिले जात आहे. मात्र, कंपनीकडून अद्याप या किंमतीबाबत अधिकृतपणे कोणतीही माहिती देण्यात आलेली नाही. रिपोर्टनुसार, हा फोन 10 मिलियन व्हिएतनामी डॉलर्स पर्यंत असू शकतो, जे भारतात सुमारे 34,000 रुपये आहे.
कंपनीने आधीच मीडियाटेक डायमेंसिटी 900, स्नॅपड्रॅगन 778G आणि स्नॅपड्रॅगन 730 SoC इत्यादी सारख्या अप्पर मिड-रेंज चिपसेट वापरल्या आहेत. स्नॅपड्रॅगन 888 SoC वर्ष 2020 मध्ये आला होता, परंतु तरीही तो एक अतिशय पावरफुल चिपसेट आहे आणि भविष्यात देखील त्याची कार्यक्षमता खूप चांगली असेल, याचा अंदाज लावला जाऊ शकतो.