Samsung Galaxy F54 5G स्मार्टफोन अद्याप भारतात लाँच झाला नाही, हा फोन लवकरच लाँच केला जाणार आहे. पण लाँच होण्यापूर्वीच फोनची प्री-बुकिंग सुरू झाली आहे. ग्राहक अधिकृत वेबसाइट आणि शॉपिंग प्लॅटफॉर्म फ्लिपकार्टवरून हे डिव्हाइस प्री-बुक करू शकतात. मात्र, Galaxy F54 चे फीचर्स समोर आलेले नाहीत. मात्र, याबाबत बरेच लीक्स पुढे आले आहेत.
Samsung Galaxy F54 5G स्मार्टफोन भारतीय बाजारात 6 जून रोजी दुपारी 3 वाजता लाँच होईल, अशी माहिती कंपनीने दिली आहे.
Galaxy F54 5G अधिकृत वेबसाइट आणि Flipkart वरून फक्त 999 रुपयांमध्ये प्री-बुकिंगसाठी उपलब्ध झाले आहेत. प्री-बुकिंग करणाऱ्या ग्राहकांना 2000 रुपयांपर्यंत सूट दिली जाईल. फोनच्या फायनल प्राईसमधून प्री-बुकिंगची रक्कम आपोआप वजा केली जाणार आहे.
लीक्सनुसार, Samsung Galaxy F54 5G स्मार्टफोनमध्ये सुपर AMOLED डिस्प्ले दिला जाऊ शकतो, ज्याचा रिफ्रेश रेट 120Hz असेल. यात ऑक्टा-कोर प्रोसेसरसह 8GB RAM आणि 256GB पर्यंत इंटर्नल स्टोरेज असेल. या मोबाइल फोनमध्ये 6000mAh बॅटरी दिली जाऊ शकते, जी 25W फास्ट चार्जिंगला सपोर्ट करेल.
या फोनमध्ये फोटोग्राफीसाठी 108MP प्रायमरी सेन्सर, 8MP अल्ट्रा वाइड आणि 2MP डेप्थ सेन्सर असेल. याशिवाय फोनच्या समोरील बाजूस 32MP चा फ्रंट कॅमेरा मिळण्याची शक्यता आहे.