#image_title
Redmi स्वस्त आणि अप्रतिम फीचर्ससह येणारे स्मार्टफोन्स ऑफर करण्यासाठी भारतात लोकप्रिय आहे. नुकताच लाँच झालेला Redmi 12 स्मार्टफोन कमी काळातच लोकप्रिय झाला आहे. आता सणासुदीच्या काळात या स्वस्त मोबाईल फोनवरही अनेक ऑफर्स आणि डील्स येत आहेत. चला तर मग जास्त वेळ न घालवता बघुयात Redmi 12 वरील ऑफर्स.
हे सुद्धा वाचा: iQOO चे मस्त गेमिंग फोन Amazon GIF Sale मध्ये स्वस्तात उपलब्ध, जाणून घ्या Discount ऑफर। Tech News
Redmi 12 स्मार्टफोन भारतीय बाजारात दोन मेमरी व्हेरियंटमध्ये खरेदीसाठी उपलब्ध आहे. या फोनमध्ये बेस व्हेरिएंटमध्ये 4GB रॅमसह 128GB स्टोरेज आहे, ज्याची किमंत 9,999 रुपये आहे. तसेच, हाय व्हेरिएंट 6GB रॅमसह 128GB स्टोरेजच्या समर्थनासह येतो, ज्याची किंमत 11,499 रुपये आहे. हा फोन जेड ब्लॅक, मूनस्टोन सिल्व्हर आणि पेस्टल ब्लू कलर ऑप्शन्समध्ये खरेदी करता येईल.
Redmi 12 वर कंपनीच्या अधिकृत साईटवर ऑफर्सचा वर्षाव होत आहे. बँक ऑफ बडोदा क्रेडिट कार्ड EMI वर 10% सूट उपलब्ध आहे. तर, Redmi 12 च्या 6GB +128GB च्या खरेदीवर एक्सचेंज ऑफरमध्ये 1,000 रुपयांची सूट उपलब्ध आहे. तसेच, या व्हेरिएंटवर 3 आणि 6 महिन्यांच्या नो कॉस्ट EMI सह मिळू शकतो.
Redmi 12 4G फोन 6.79-इंच फुल HD+ पंच-होल LCD स्क्रीनवर लाँच करण्यात आला आहे. हा डिस्प्ले 90Hz रिफ्रेश रेटच्या समर्थनासह येतो. यासोबत, कॉर्निंग गोरिल्ला ग्लास 3 चे संरक्षण देखील येथे उपलब्ध आहे. स्पीड आणि मल्टीटास्किंगसाठी फोनमध्ये MediaTek Helio G88 ऑक्टा-कोर प्रोसेसर देण्यात आला आहे.
Redmi 12 4G फोनमध्ये फोटोग्राफीसाठी ट्रिपल रिअर कॅमेरा सेटअप आहे. त्याच्या मागील पॅनलवर 50MP चा प्रायमरी सेन्सर आहे, त्यासह 8MP अल्ट्रा-वाइड अँगल लेन्स आणि 2MP मॅक्रो लेन्स देखील आहेत. सेल्फी आणि व्हिडिओ कॉलिंगसाठी 8MP चा फ्रंट कॅमेरा मिळणार आहे. यात 5,000 mAh ची मजबूत बॅटरी देखील देण्यात आली आहे. फोनची बॅटरी चार्ज करण्यासाठी यात 18W फास्ट चार्जिंग टेक्नॉलॉजी देखील आहे.
