अखेर Realme P3 Ultra आणि Realme P3 5G फोन भारतात लाँच
गेल्या अनेक दिवसांपासून प्रसिद्ध स्मार्टफोन निर्माता Realme च्या आगामी स्मार्टफोनची चर्चा सुरु होती. अखेर Realme P3 Ultra आणि Realme P3 5G फोन भारतात लाँच करण्यात आले आहेत. हे दोन्ही फोन कंपनीने मध्यम श्रेणीमध्ये लाँच केले आहेत. या स्मार्टफोन्समध्ये 50MP चा मुख्य रिअर कॅमेरा आहे. हे फोन अनेक स्टोरेज आणि रॅम व्हेरिएंटमध्ये लाँच करण्यात आले आहेत. चला तर मग जास्त वेळ न घालवता जाणून घेऊयात Realme P3 Ultra आणि Realme P3 5G ची किंमत आणि संपूर्ण तपशील-
Also Read: महागड्या Xiaomi 15 सिरीजची प्रि-बुकिंग सुरु! मिळेल हजारो रुपयांचा Cashback, पहा ऑफर्स
Realme P3 Ultra फोनच्या 8GB रॅम आणि 128GB स्टोरेज व्हेरिएंटची किंमत 26,999 रुपये इतकी आहे. 8GB रॅम आणि 256GB स्टोरेज असलेल्या व्हेरिएंटची किंमत 27,999 रुपये आहे. त्याबरोबरच, फोनच्या टॉप व्हेरिएंट 12GB+ 256GB स्टोरेज व्हेरिएंटची किंमत 29,999 रुपये आहे. फोनवर 4000 रुपयांची सूट मर्यादित काळासाठी आहे. फोनची विक्री 25 मार्च 2025 रोजी दुपारी 12 वाजता Flipkart वर सुरू होईल.
Realme P3 5G फोनची किंमत 16,999 रुपयांपासून सुरू होते. ही या फोनच्या 6GB रॅम आणि 128GB स्टोरेज असलेल्या व्हेरिएंटची किंमत आहे. 8GB रॅम आणि 128GB स्टोरेज असलेल्या फोनचा व्हेरिएंट 17,999 रुपयांना लाँच करण्यात आला आहे. फोनचा टॉप व्हेरिएंट 8GB रॅम आणि 256GB स्टोरेजसह येतो, त्याची किंमत 19,999 रुपये आहे. या फोनची अर्ली बर्ड सेल आज संध्याकाळी 6 वाजल्यापासून सुरू होईल. तिन्ही प्रकारांवर 2000 रुपयांची सूट असेल. या फोनची सेल 26 मार्च रोजी दुपारी 12 वाजता सुरू होईल.
Realme P3 Ultra फोनमध्ये 6.83 इंच लांबीचा 1.5K AMOLED मायक्रो कर्व्ड डिस्प्ले आहे, ज्याचा रिफ्रेश रेट 120Hz इतका आहे. स्पीड आणि मल्टीटास्किंगसाठी, या फोनमध्ये मीडियाटेक डायमेन्सिटी 8350 अल्ट्रा प्रोसेसर आहे. यात ड्युअल रियर कॅमेरा सेटअप आहे. हा Realme फोन OIS सपोर्टसह 50MP Sony IMX896 मुख्य सेन्सरने सुसज्ज आहे. याशिवाय, मागील बाजूस 8MP अल्ट्रा वाइड अँगल सेन्सर देखील देण्यात आला आहे. पॉवर बॅकअपसाठी, या फोनमध्ये 6000mAh बॅटरी आहे, जी 80W AI फास्ट चार्जिंग सपोर्ट आहे.
Realme P3 5G फोनमध्ये AMOLED डिस्प्ले देण्यात आला आहे, ज्याचा रिफ्रेश रेट 120Hz आहे. स्पीड आणि मल्टीटास्किंगसाठी, या फोनमध्ये Snapdragon 6 Gen 4 प्रोसेसर देण्यात आला आहे. स्टोरेज सेक्शनबद्दल बोलायचे झाल्यास, या फोनमध्ये 256GB पर्यंत इंटरनल स्टोरेज देण्यात आले आहे. पाणी आणि धूळ यांच्यापासून संरक्षणासाठी फोनला IP69 रेटिंग आहे. फोनमध्ये 50MP चा रियर कॅमेरा देण्यात आला आहे. पॉवर बॅकअपसाठी या फोनमध्ये 6000mAh बॅटरी दिली गेली आहे.
