12 मिनिटात 50% चार्ज होणारा Realme चा सर्वात स्वस्त फोन लाँच, जाणून घ्या किंमत आणि फीचर्स

Realme ने अखेर Realme GT Neo 3T स्मार्टफोन भारतीय बाजारात लाँच केला आहे. नवीन GT Neo 3T हा भारतातील सर्वात परवडणारा स्मार्टफोन आहे, जो 80W जलद चार्जिंगसह येतो.  जो केवळ 12 मिनिटांत 50% पर्यंत चार्ज होऊ शकतो. हा स्मार्टफोन जगभरात जूनमध्ये लाँच करण्यात आला होता. GT Neo 3T ची खासियत म्हणजे यात क्वालकॉम स्नॅपड्रॅगन 870 प्रोसेसर आणि 8 GB रॅम आहे. हा 120Hz AMOLED डिस्प्ले, 64MP कॅमेरा सेटअप आहे. नवा फोन भारतात Flipkart Big Billion Days Sale 2022 दरम्यान मोठ्या सवलतींसह विक्रीसाठी जाईल.

हे सुद्धा वाचा : Alia Bhatt: 2022 मधील सर्वात मोठी अभिनेत्री, सर्व चित्रपटांनी बॉक्स ऑफिसवर केले जबरदस्त कलेक्शन

Realme GT Neo 3T चे फीचर्स आणि स्पेसिफिकेशन्स 

GT Neo 3T मध्ये 120Hz रिफ्रेश रेट, 360Hz टच सॅम्पलिंग रेटसह 6.62-इंच फुल HD+ AMOLED डिस्प्ले पॅनेल आहे. डिस्प्ले पॅनल पंच होल नॉच आहे आणि कॉर्निंग गोरिल्ला ग्लास 5 प्रोटेक्शन देखील आहे. Neo 3T ट्रिपल-रिअर कॅमेरा सेटअपमध्ये 64MP प्रायमरी शूटर, 8MP अल्ट्रा-वाइड-एंगल लेन्स, 2MP मॅक्रो सेन्सर आणि LED फ्लॅश आहे. तसेच, स्मार्टफोनमध्ये व्हिडिओ कॉल आणि आकर्षक सेल्फीसाठी 16MP फ्रंट शूटर आहे.

या सीरिजच्या स्मार्टफोनमध्ये ऑक्टा-कोर क्वालकॉम स्नॅपड्रॅगन 870 प्रोसेसर आहे. हा स्मार्टफोन Android 12 वर आधारित Realme च्या प्रोप्रायटरी Realme UI 3.0 सह प्री-लोड केलेला आहे. फोन 5000mAh बॅटरी युनिट आणि 80W फास्ट चार्जिंग सपोर्टसह सुसज्ज आहे. चार्जिंग आणि डेटा ट्रान्सफरसाठी यात टाइप-C पोर्ट दिलेला आहे.

Realme GT Neo 3T ची भारतातील किंमत, लॉन्च ऑफर्स आणि उपलब्धता

GT Neo 3T भारतात तीन कॉन्फिगरेशनमध्ये लॉन्च करण्यात आला आहे. 6GB + 128GB व्हेरिएंटसाठी  29,999 रुपये, 8GB + 128GB साठी 31,999 रुपये, 8GB + 256GB साठी 33,999 रुपये अशी किंमत ठेवण्यात आली आहे.  Realme GT Neo 3T फोन 23 सप्टेंबरपासून केवळ Flipkart आणि Realme Store वर विक्रीसाठी उपलब्ध  होईल. लॉन्च ऑफर म्हणून Realme Flipkart बिग बिलियन डेज दरम्यान Axis आणि ICICI बँक कार्डवर 7,000 रुपयांपर्यंत सूट देत आहे.

डिस्काउंटनंतर स्मार्टफोनच्या तिन्ही व्हेरिएंटची किंमत 22,999 रुपये, 24,999 रुपये आणि 26,999 रुपये असेल. Realme GT Neo 3T ड्रिफ्टिंग व्हाइट, डॅश यलो आणि शेड ब्लॅक या तीन रंग पर्यायांमध्ये येतो.

Follow Us

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile