Realme C55 अखेर भारतात बजेट रेंजमध्ये लाँच करण्यात आला आहे. या फोनमध्ये कंपनीने असे अनेक फीचर्स दिले आहेत जे बजेटनुसार अपग्रेड आहेत. या फोनमध्ये 16 GB पर्यंत रॅम आणि iPhone च्या Dynamic Island सारखे फीचर्स देण्यात आले आहेत. चला जाणून घेऊया Realme C55 ची किंमत आणि जबरदस्त फीचर्स.
हे सुद्धा वाचा : जबरदस्त फीचर्ससह Poco X5 5G ची आज पहिली विक्री, मिळतायेत 'या' भारी ऑफर्स
या फोनच्या 4GB रॅम आणि 64GB स्टोरेज वेरिएंटची किंमत 10,999 रुपये आहे. त्याच्या 6GB रॅम आणि 64GB स्टोरेज व्हेरिएंटची किंमत 11,999 रुपये आहे. त्याच वेळी, 8GB रॅम आणि 128GB स्टोरेज वेरिएंटची किंमत 13,999 रुपये आहे. हे realme.com आणि Flipkart वर प्री-ऑर्डरसाठी उपलब्ध करून देण्यात आले आहे.
फोन 27 मार्चपर्यंत प्री-ऑर्डरवर असेल. यासोबतच, जबरदस्त ऑफर दिल्या जात आहेत, ज्यात कंपनीच्या वेबसाइटवर 1,000 रुपयांची सूट आणि फ्लिपकार्टवर एक्सचेंजसह 1,000 रुपयांची सूट समाविष्ट आहे. त्याची सेल 28 मार्च रोजी दुपारी 12 वाजता सुरू होईल. यासोबतच बँक ऑफर अंतर्गत 1,000 रुपयांची झटपट सूट दिली जात आहे. ही ऑफर 28 मार्च ते 32 मार्चपर्यंत वैध असेल.
यात 6.72 इंच फुल HD+LCD पॅनल आहे. त्याचा रीफ्रेश दर 90 Hz आहे. हा फोन MediaTek Helio G88 SoC सह सुसज्ज आहे. यात 8 GB पर्यंत LPDDR4X रॅम आणि 128 GB पर्यंत EMMC 5.1 स्टोरेज आहे. याचे स्टोरेज मायक्रो SD कार्डद्वारे 1TB पर्यंत वाढवता येते.
Realme C55 सह मिनी कॅप्सूल फिचरदेखील उपलब्ध आहेत. Realme C55 हा या फीचरसह येणारा कंपनीचा पहिला स्मार्टफोन आहे. हे फीचर iPhone 14 Pro च्या Dynamic Island प्रमाणे काम करते. मिनी कॅप्सूल चार्जिंग, बॅटरी, डेटा वापर आणि काही फिटनेस डेटा देखील प्रदर्शित करते.
Realme C55 सह ड्युअल रियर कॅमेरा सेटअप उपलब्ध आहे, ज्यामध्ये 64-मेगापिक्सलचा प्राथमिक कॅमेरा आणि सेकंडरी 2-मेगापिक्सेल डेप्थ सेन्सर उपलब्ध आहे. सेल्फी आणि व्हिडिओ कॉलसाठी फोनमध्ये 8-मेगापिक्सेल कॅमेरा आहे. मागील कॅमेरासह LED फ्लॅश समर्थित आहे. फोनमध्ये 5,000mAh बॅटरी आणि 33W SuperVOOC फास्ट चार्जिंगसाठी सपोर्ट आहे.