Oppo Find N3 Flip कंपनीचा नवीनतम क्लॅमशेल फोल्डेबल स्मार्टफोन लाँच
स्मार्टफोन लवकरच जागतिक बाजारपेठेत देखील दाखल होणार आहे.
हँडसेटमध्ये 32-मेगापिक्सेलचा IMX709 फ्रंट कॅमेरा आहे.
आज Oppo Find N3 Flip कंपनीचा नवीनतम क्लॅमशेल फोल्डेबल स्मार्टफोन म्हणून चीनमध्ये लॉन्च करण्यात आला आहे. तीन मागील कॅमेऱ्यांसह येणारा हा पहिला क्लॅमशेल स्टाईलचा फोल्डेबल फोन आहे. मागील जनरेशनच्या तुलनेत हे थोडेसे बदललेले डिझाइन आणि अपग्रेड केलेल्या फीचर्ससह येते. आपण आता Oppo च्या या नवीन ऑफरच्या किंमतीपासून ते स्पेक्स आणि फीचर्सपर्यंत सर्व महत्त्वाचे तपशील जाणून घेऊया.
Oppo Find N3 Flip ची किंमत
Oppo Find N3 Flip च्या 12GB + 256GB आणि 12GB + 512GB स्टोरेज कॉन्फिगरेशनची किंमत अनुक्रमे CNY 6,799 म्हणजेच अंदाजे 77,000 रुपये आणि CNY 7,599 म्हणजेच अंदाजे 86,100 रुपये आहे. हे मिरर नाईट, मिस्ट रोझ आणि मूनलाइट म्यूज या कलर ऑप्शन्समध्ये खरेदीसाठी उपलब्ध असेल. हा हँडसेट ओप्पोच्या चीन वेबसाइटवर प्री-सेलसाठी उपलब्ध असेल आणि त्याची विक्री 8 सप्टेंबरपासून सुरू होईल. कंपनीने देखील पुष्टी केली आहे की, स्मार्टफोन लवकरच जागतिक बाजारपेठेत देखील दाखल होणार आहे.
Oppo Find N3 Flip
डिस्प्ले
नवीन लाँच केलेला Oppo Find N3 Flip स्मार्टफोन 120Hz रिफ्रेश रेट, 240Hz टच सॅम्पलिंग रेट, 2520×1080 पिक्सेल रिझोल्यूशन आणि 1600 nits पीक ब्राइटनेससाठी समर्थनासह 6.80-इंच AMOLED मुख्य डिस्प्लेसह येतो. तर फोनमध्ये 3.26-इंच लांबीचा कव्हर डिस्प्ले आहे, जो 720×382 पिक्सेल रिझोल्यूशन, 60Hz रिफ्रेश रेट आणि 900 निट्स पीक ब्राइटनेस ऑफर करतो.
प्रोसेसर
Find N3 फ्लिप हे ऑक्टा-कोर मीडियाटेक डायमेन्सिटी 9200 चिपसेटद्वारे समर्थित आहे. हा एक पावरफुल प्रोसेसर आहे आणि पॉवर एफिशियंट आहे. ज्यामध्ये Mali-G715 MP11 GPU, 12GB पर्यंत RAM आणि 512GB पर्यंत इनबिल्ट स्टोरेज आहे. हे डिव्हाइस ColorOS 13.2 ऑपरेटिंग सिस्टमवर काम करते जे Android 13 वर आधारित आहे.
कॅमेरा
या स्मार्टफोनला ट्रिपल रिअर कॅमेरा सेटअप मिळत आहे. या कॅमेरा सेटअपमध्ये OIS सपोर्टसह 50-मेगापिक्सेल Sony IMX890 प्राथमिक सेन्सर, 48-मेगापिक्सेल IMX581 अल्ट्रा-वाइड-एंगल लेन्स आणि 32-मेगापिक्सेल IMX709 टेलिफोटो सेन्सर समाविष्ट आहे. हे लेन्स 2x ऑप्टिकल झूम, 20x डिजिटल झूम, नाईट सीन, व्हिडिओ रेकॉर्डिंग इत्यादी अनेक भिन्न मोड्सना समर्थन देतात.
सेल्फी आणि व्हिडिओ कॉलिंगसाठी, हँडसेटमध्ये 32-मेगापिक्सेलचा IMX709 फ्रंट कॅमेरा आहे, ज्यामध्ये अनेक कॅमेरा मोड आहेत.
बॅटरी
Oppo Find N3 Flip 4300 mAh बॅटरीने सुसज्ज आहे आणि ती 44W जलद चार्जिंगला सपोर्ट करते. यानंतर, इतर फिचर्सबद्दल बोलायचे झाल्यास, कनेक्टिव्हिटीसाठी तुम्हाला 5G, Wi-Fi 7 (802.11be), NFC आणि ब्लूटूथ 5.3 चा सपोर्ट मिळत आहे.
Follow Us
Reshma Zalke
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile
