प्रतीक्षा संपली ! Oppo Find N2 Flip अखेर भारतात लाँच, मिळतोय 10 हजार रुपयांचा डिस्काउंट

Oppo ने भारतीय बाजारात Oppo Find N2 Flip लाँच केले आहे. चीनी कंपनीने डिसेंबरमध्ये जागतिक बाजारपेठेत हा फोन सादर केला आणि गेल्या महिन्यात विक्रीसाठी उपलब्ध झाला. या फोनमध्ये 6.8-इंच लांबीचा AMOLED डिस्प्ले आणि 3.62-इंच लांबीचा कव्हर डिस्प्ले आहे. येथे आम्ही तुम्हाला या स्मार्टफोनच्या फीचर्स आणि स्पेसिफिकेशन्सपासून ते किंमत इत्यादींबद्दल तपशीलवार माहिती देणार आहोत…

हे सुद्धा वाचा : Airtel च्या एका महिन्याच्या रिचार्जसह 90 दिवसांसाठी Disney+ Hotstar उपलब्ध, किंमतही कमी

Oppo Find N2 Flip किंमत आणि ऑफर्स 

 Oppo Find N2 Flip च्या 8GB + 256GB स्टोरेज मॉडेलची किंमत 89,999 रुपये आहे. ते एस्ट्रल ब्लॅक आणि मूनलिट पर्पल कलर पर्यायांमध्ये उपलब्ध आहे. हा फोन फ्लिपकार्ट, ओप्पो स्टोअर्स आणि इतर रिटेल स्टोअर्सवर विक्रीसाठी उपलब्ध असेल. एक्सचेंज ऑफरवर 5,000 रुपयांचा कॅशबॅक आणि बँक कार्ड पेमेंटवर 5,000 रुपयांचा कॅशबॅक मिळवून ग्राहक हा फोन केवळ 79,999 रुपयांमध्ये खरेदी करू शकतात.

फीचर्स आणि स्पेसिफिकेशन्स 

या फोनमध्ये 6.8-इंचाचा फुल एचडी + AMOLED डिस्प्ले आहे, ज्याचे रिझोल्यूशन 1080×2520 पिक्सेल आणि 120Hz रीफ्रेश रेट आहे. दुसरीकडे, 3.62-इंचाचा डिस्प्ले आहे, ज्याचा रिझोल्यूशन 382×720 पिक्सेल आणि 60Hz चा रिफ्रेश दर आहे. Oppo Find N2 Flip Android 13 वर आधारित ColorOS 13.0 वर चालतो. या फोनमध्ये Octa core MediaTek Dimensity 9000+ SoC देण्यात आला आहे. 

या Oppo स्मार्टफोनमध्ये 5G, 4G LTE, Wi-Fi 6, Bluetooth 5.3, GPS/A-GPS, NFC आणि USB टाइप C पोर्ट आहे. Oppo Find N2 Flip मध्ये 4,300mAh बॅटरी आहे, जी 44W SuperVOOC चार्जिंगला सपोर्ट करते. सुरक्षिततेसाठी, हा फोन साइड माउंटेड फिंगरप्रिंट सेन्सर आणि फेस अनलॉक फीचरसह येतो.

Oppo Find N2 Flip मध्ये f/1.8 अपर्चरसह 50-मेगापिक्सेलचा प्रायमरी कॅमेरा आणि f/2.2 अपर्चरसह 8-मेगापिक्सेलचा सेकंडरी कॅमेरा आहे. समोर 32-मेगापिक्सल सेल्फी कॅमेरा देण्यात आला आहे. 

Follow Us

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile