OnePlus Nord CE 3 5G स्मार्टफोनची किंमत भारतात कमी करण्यात आली आहे.
फोनच्या 8GB रॅम मॉडेलची किंमत 2000 रुपयांनी कमी केली आहे.
OnePlus India च्या वेबसाइटवर फोनची नवीन किंमत सूचिबद्ध करण्यात आली आहे.
प्रसिद्ध OnePlus कंपनीने अलीकडेच OnePlus Nord CE 3 5G स्मार्टफोन भारतीय बाजारात लाँच केला होता. लाँच होताच हा फोन भारतीय ग्राहकांमध्ये प्रचंड लोकप्रिय झाला. त्यानंतर, OnePlus लव्हर्ससाठी एक आनंदाची बातमी आहे. या स्मार्टफोनची किंमत भारतात कमी करण्यात आली आहे. कंपनीने हा स्मार्टफोन यावर्षी जुलै महिन्यात लाँच केला होता. तसेच, फोनची नवी किंमतदेखील लाईव्ह करण्यात आली आहे.
OnePlus Nord CE 3 5G ची नवी किंमत
कंपनीने जुलै महिन्यात OnePlus Nord CE 3 5G स्मार्टफोन 26,999 रुपयांच्या किमतीत लाँच केला. ही किंमत फोनच्या 8GB रॅम आणि 128GB स्टोरेज वेरिएंटसाठी आहे. तर, 12GB रॅम आणि 256GB स्टोरेज टॉप मॉडेल आहे, ज्याची किंमत 28,999 रुपये आहे.
OnePlus Nord CE 3 5G
लॉन्च झाल्यानंतर अवघ्या काही महिन्यातच कंपनीने आता फोनच्या 8GB रॅम मॉडेलची किंमत 2000 रुपयांनी कमी केली आहे. तर, 12GB रॅम व्हेरिएंट 1,000 रुपयांनी स्वस्त झाला आहे. म्हणजेच तुम्ही हे मॉडेल्स अनुक्रमे 24,999 रुपये आणि 26,999 रुपयांना खरेदी करू शकता. लक्षात घ्या की, OnePlus India च्या वेबसाइटवर फोनची नवीन किंमत सूचिबद्ध करण्यात आली आहे.
OnePlus Nord CE 3 5G
OnePlus Nord CE 3 5G फोन 6.7 इंच लांबीच्या फुल HD+ डिस्प्ले सह येतो, ज्याचा रिफ्रेश रेट 120Hz आहे. स्पीड आणि मल्टीटास्किंगसाठी फोन स्नॅपड्रॅगन 782G प्रोसेसरसह सुसज्ज आहे. फोटोग्राफीसाठी फोनमध्ये ट्रिपल रियर कॅमेरा सेटअप आहे. यात 50MP प्रायमरी कॅमेरा आहे, ज्यामध्ये 8MP अल्ट्रा वाइड सेन्सर आणि 2MP मॅक्रो सेन्सरचा समावेश आहे. सेल्फी आणि व्हिडिओ कॉलिंगसाठी फोनमध्ये 16MP कॅमेरा आहे. फोनची बॅटरी 5,000mAh आहे, ज्यामध्ये 80W फास्ट चार्जिंग सपोर्ट देण्यात आला आहे.
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc.
