OnePlus 13T लाँच अखेर Confirm! ‘या’ महिन्यात कॉम्पॅक्ट फ्लॅगशिप फोन होणार बाजारात दाखल 

OnePlus 13T लाँच अखेर Confirm! ‘या’ महिन्यात कॉम्पॅक्ट फ्लॅगशिप फोन होणार बाजारात दाखल 
HIGHLIGHTS

OnePlus ने अलीकडेच जानेवारी 2025 मध्ये OnePlus 13 आणि OnePlus 13R फोन लाँच केले.

कंपनी आता या सिरीजचा विस्तार करत आहेत, OnePlus 13T फोन सादर करणार आहे.

ब्रँडकडून इंटरनेटवर OnePlus 13T बॉक्सचा फोटो शेअर करत लाँचबद्दल दिली माहिती

फ्लॅगशिप किलर OnePlus ने अलीकडेच जानेवारी 2025 मध्ये OnePlus 13 आणि OnePlus 13R फोन लाँच केले होते. त्यानंतर, कंपनी आता या सिरीजचा विस्तार करत आहेत, OnePlus 13T फोन लवकरच बाजारात दाखल होणार आहे. गेल्या काही दिवसांपासून या मोबाईलशी संबंधित अनेक अफवा पुढे येत होत्या, मात्र आता कंपनीने अधिकृतपणे हा फोन लाँच करण्याची घोषणा केली आहे.

आम्ही तुम्हाला सांगतो की, ब्रँडकडून इंटरनेटवर OnePlus 13T बॉक्सचा फोटो शेअर करताना, असे सांगण्यात आले आहे की, हा मोबाईल या महिन्यात म्हणजेच एप्रिलमध्ये बाजारात दाखल होईल. OnePlus ’13’ सिरीजमधील हा नवीन 5G फोन प्रथम चीनच्या मार्केटमध्ये लाँच करण्यात आला होता, जो नंतर इतर बाजारपेठांमध्ये सादर केला जाईल.

Also Read: Price Drop! 50MP मेन कॅमेरासह येणाऱ्या Samsung फोनच्या किमतीत मोठी कपात, पहा नवी किंमत

OnePlus 13T चे लाँच तपशील

OnePlus कडून सांगण्यात आले आहे की, ते या महिन्यात म्हणजेच एप्रिल 2025 मध्ये चीनी बाजारात त्यांचा नवीन मोबाईल फोन OnePlus 13T लाँच करतील. मात्र, कंपनीने अद्याप या स्मार्टफोन लाँचची नेमकी तारीख जाहीर केली नाही. OnePlus 13T हा एक कॉम्पॅक्ट फ्लॅगशिप फोन असल्याचे म्हटले जात आहे, जे प्रीमियम डिझाइनवर बनवले जाईल.

oneplus 13t

एवढेच नाही तर, ब्रँडकडून या फोनचा ‘Small-Screen Powerhouse’ या टॅगलाइनसह प्रचार केला जात आहे. आम्ही तुम्हाला सांगतो की, या फोनची डिझाईन iPhone 16e सारखी असेल.

OnePlus 13T चे लीक स्पेक्स

लीक अहवालांवर विश्वास ठेवला तर, फोटोग्राफीसाठी OnePlus 13T 5G फोनमध्ये ड्युअल रियर कॅमेरा सेटअप मिळू शकतो. यात 50MP चा मुख्य OIS सेन्सर आणि त्याच्या मागील पॅनलवर 50MP चा टेलिफोटो लेन्स असेल, असे समोर आले आहे. तसेच, आकर्षक सेल्फी आणि व्हीडिओ कॉलिंगसाठी समोर 32MP चा सेल्फी कॅमेरा दिला जाऊ शकतो. पॉवर बॅकअपसाठी, या स्मार्टफोनमध्ये 6200mAh बॅटरी दिली जाऊ शकते. तर, मोठी बॅटरी जलद चार्ज करण्यासाठी OnePlus 13T मध्ये 80W फास्ट चार्जिंग तंत्रज्ञान आणि 50W वायरलेस चार्जिंग तंत्रज्ञान देखील मिळू शकते. तर, परफॉर्मन्ससाठी, OnePlus 13T फोन क्वालकॉमच्या स्नॅपड्रॅगन 8 एलिट चिपसेटवर लाँच केला जाऊ शकतो. तुमच्या माहितीसाठी सांगतो की, OnePlus 13 देखील याच प्रोसेसरसह सज्ज आहे.

Reshma Zalke

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile

Digit.in
Logo
Digit.in
Logo