Nokia G310 5G आणि Nokia C210 स्मार्टफोन लाँच
Nokia G310 5G क्विकफिक्स टेक्नॉलॉजीसह येतो.
नव्या स्मार्टफोन्सची सुरुवातीची किंमत अंदाजे 9,000 रुपये आहे.
HMD Global ने नोकियाचे दोन स्मार्टफोन लाँच केले आहेत. यामध्ये Nokia G310 5G आणि Nokia C210 यांचा समावेश आहे. सर्वात महत्त्वाची गोष्ट म्हणजे यातील Nokia G310 5G क्विकफिक्स टेक्नॉलॉजीसह येतो, ज्याच्या मदतीने फोन स्वतःच रिपेअर होईल. चला तर मग नव्या किमतीसह या खास टेक्नॉलॉजीबद्दल सविस्तर माहिती घेऊयात.
Nokia G310 5G, Nokia C210 ची किंमत
Nokia G310 5G ची किंमत US$186 म्हणजेच अंदाजे 15,000 रुपये आहे, तर Nokia C210 ची किंमत US$109 म्हणजेच अंदाजे 9,000 रुपये आहे. Nokia G310 5G सिंगल ब्लू कलरमध्ये आणि नोकिया C210 ग्रे कलरमध्ये खरेदी करता येईल. Nokia G310 5G 24 ऑगस्टपासून विक्रीसाठी जाईल आणि Nokia C210 14 सप्टेंबरपासून विक्रीसाठी उपलब्ध होईल.
Nokia C210 चे तपशील
Nokia C210 मध्ये 6.3-इंच लांबीचा डिस्प्ले आहे. स्नॅपड्रॅगन 662 प्रोसेसरसह फोनमध्ये 3 GB पर्यंत रॅम आणि 32 GB स्टोरेज आहे. प्रोसेसरसह तुमचा स्मार्टफोन फास्ट चालेल आणि तुम्हाला उत्तम स्मार्टफोन एक्सपेरियन्स मिळेल. Nokia C210 मध्ये ड्युअल रियर कॅमेरा आहे ज्यामध्ये प्राथमिक लेन्स 13 मेगापिक्सेल आणि दुसरी लेन्स 2 मेगापिक्सेल आहे. प्राथमिक कॅमेरा तुम्हाला ब्राईट आणि कलरफुल हाय डेफिनेशन इमेजेस मिळतात. समोर 5 मेगापिक्सेल कॅमेरा देण्यात आला आहे. हा स्मार्टफोन Gorilla Glass 3 प्रोटेक्शनसह येतो. यासह तुमच्या फोनच्या स्क्रीनवर स्क्रॅच आणि फोन पडल्यास नुकसान होणार नाही.
Nokia G310 5G चे तपशील
या फोनमध्ये 6.56-इंच लांबीचा HD+ डिस्प्ले आहे, ज्याचा रिफ्रेश रेट 90Hz आहे. डिस्प्लेवर 2.5D वक्र गोरिल्ला ग्लास 3 आहे. Nokia G310 5G मध्ये Android 13 दिला गेला आहे. फोनमध्ये स्नॅपड्रॅगन 480+ 5G प्रोसेसरसह 4 GB रॅम आणि 128 GB स्टोरेज आहे. स्नॅपड्रॅगन 480 प्लस हे फ्री फायर, आणि PUBG MOBILE सारखे गेम उच्च FPS वर हाताळण्यासाठी पुरेसे जलद आहे.
विशेष म्हणजे हा फोन QuickFix डिझाइनसह आहे. या क्विकफिक्स डिझाइनच्या मदतीने, वापरकर्ते फोनची बॅटरी स्वतःच बदलू शकतील, चार्जिंग पोर्ट बदलू शकतील आणि मार्गदर्शकाच्या मदतीने स्क्रीन देखील दुरुस्त करू शकतील. आम्ही तुम्हाला सांगतो की, Nokia ने सेल्फ रिपेअरिंगसाठी iFixit सोबत भागीदारी केली आहे.
Nokia G310 5G मध्ये तीन रियर कॅमेरे आहेत ज्यात प्राथमिक लेन्स 50 मेगापिक्सेल आणि इतर दोन लेन्स 2-2 मेगापिक्सेल आहेत. सेल्फीसाठी 8 मेगापिक्सेल कॅमेरा देण्यात आला आहे. Nokia G310 5G मध्ये 5000mAh बॅटरी असून 20W फास्ट चार्जिंगला सपोर्ट आहे. फोनला वॉटर रेझिस्टन्ससाठी IP52 रेटिंग देखील मिळाली आहे.
Follow Us
Reshma Zalke
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile
