तारीख नोट करा! भारतातील सर्वात स्वस्त ‘मेड इन इंडिया’ 5G स्मार्टफोन, ‘या’ तारखेपासून सुरू होणार विक्री

LAVA ने भारतीय ग्राहकांसाठी Blaze 5G स्मार्टफोन सादर केला. जवळपास एक महिन्यानंतर ब्रँडने अखेर देशात स्मार्टफोनची उपलब्धता उघड केली आहे. ब्रँडच्या अधिकृत हँडलने केलेल्या एका ट्विटर पोस्टनुसार, Lava Blaze 5G 15 नोव्हेंबरपासून भारतीय बाजारात विक्रीसाठी उपलब्ध होईल. Lava Blaze 5G ची 4GB + 128GB पर्यायामध्ये किंमत 10,999 रुपये आहे. हे 9,999 रुपयांमध्ये इंट्रोडक्टरी ऑफर म्हणून उपलब्ध असेल. हा स्मार्टफोन 15 नोव्हेंबर रोजी दुपारी 12:00 वाजता Amazon वर उपलब्ध होईल. 

हे सुद्धा वाचा : Jio चा स्वस्त प्लॅन! एकदा रिचार्ज केल्यास वर्षभर चालेल, जाणून घेऊयात काय मिळेल खास…

Lava Blaze 5G चे फीचर्स आणि स्पेसिफिकेशन्स

Lava Blaze 5Gमध्ये 90Hz रिफ्रेश रेट आणि वॉटरड्रॉप नॉचसह 6.5-इंच लांबीचा LCD डिस्प्ले आहे. पॉवर बटणमध्ये साइड-माउंट केलेले फिंगरप्रिंट स्कॅनर आहे. मागील पॅनलवरील कॅमेरा मॉड्यूलमध्ये 50MP मेन सेन्सर, एक डेप्थ लेन्स आणि मॅक्रो युनिट आहे. स्मार्टफोनच्या समोर आकर्षक सेल्फी आणि व्हीडिओ कॉलिंगसाठी 8MP सेल्फी कॅमेरा आहे. डिव्हाइसवरील कनेक्टिव्हिटी पर्यायांमध्ये ड्युअल सिम, Wi-Fi 6, ब्लूटूथ 5.1, GPS, एक USB टाइप-C पोर्ट आणि 3.5 मिमी ऑडिओ जॅक समाविष्ट आहे. 

Lava Blaze 5G डायमेन्सिटी 700 प्रोसेसरद्वारे समर्थित आहे, जो आठ 5G बँडपर्यंत सपोर्ट करतो. यात 4GB RAM, 3GB व्हर्च्युअल रॅम आणि 128GB इंटर्नल स्टोरेजसह समर्पित मायक्रो SD कार्ड स्लॉट आहे. स्मार्टफोन Android 12 ऑपरेटिंग सिस्टमसह प्री-इंस्टॉल केलेला आहे. यात 5,000mAh बॅटरी युनिट आहे. हा स्मार्टफोन ग्लास ब्लू आणि ग्लास ग्रीन कलरमध्ये सादर करण्यात आला आहे.