Vivo X200 series launched in india
प्रसिद्ध स्मार्टफोन निर्माता Vivo च्या नव्या Vivo X200 सीरीजच्या लाँचची प्रतीक्षा भारतात दीर्घकाळापासून सुरु होती. दरम्यान, कंपनीने आज अखेर ही सिरीज भारतात लाँच केली आहे. आम्ही तुम्हाला सांगतो की, चीनमध्ये ऑक्टोबर महिन्यात ही सिरीज सादर करण्यात आली होती. या लाइनअपमध्ये Vivo X200 आणि Vivo X200 Pro यांचा समावेश आहे. दोन्ही फोनमध्ये MediaTek Dimensity 9400 चिप देण्यात आली आहे. त्याचे प्रो मॉडेल म्हणजे Vivo X200 Pro मध्ये 200MP कॅमेरा आहे. जाणून घेऊयात Vivo X200 सिरीजची किंमत आणि टॉप 5 फीचर्स-
Also Read: फक्त 8000 रुपयांच्या सुरुवातीच्या किमतीत लाँच झाले नवे Smart TV, मोठ्या टीव्हीसह घ्या थिएटरची मज्जा!
नवीनतम Vivo X200 फोन दोन व्हेरिएंटमध्ये भारतात सादर करण्यात आला आहे. हा स्मार्टफोन 12GB RAM + 256GB आणि 16GB RAM + 512GB स्टोरेज मॉडेलमध्ये लाँच करण्यात आला आहे. या स्मटफोनची किंमत अनुक्रमे 65,999 रुपये आणि 71,999 रुपये निश्चित करण्यात आली आहे.
तर, दुसरीकडे या सिरीजचा टॉप व्हेरिएंट म्हणजेच Vivo X200 Pro फोन 94,999 रुपयांना खरेदी केला जाऊ शकतो. ऑफर्सबद्दल बोलायचे झाल्यास, या फोनवर 10% पर्यंत Discount उपलब्ध आहे. उपलब्धतेबद्दल बोलायचे झाल्यास, या दोन्ही हँडसेटची विक्री Amazon India वर 19 डिसेंबर 2024 पासून सुरू होईल.
Vivo X200 मध्ये 6.67 इंच लांबीचा FHD+ डिस्प्ले देण्यात आला आहे, ज्याचा रिफ्रेश रेट 120Hz इतका आहे. तर, Vivo X200 Pro मध्ये 1.5K रिझोल्यूशनसह 6.78 इंच लांबीचा डिस्प्ले आहे, ज्याचा रिफ्रेश रेट 120Hz आहे. वापरकर्त्यांना या स्क्रीनवरून स्मूथ व्हिज्युअल एक्सपेरियन्स मिळेल.
Vivo X200 आणि Vivo X200 Pro मध्ये MediaTek Dimensity 9400 प्रोसेसर देण्यात आला आहे. या दोन्ही फोनमध्ये 16GB पर्यंत रॅम आणि 1TB पर्यंत अंतर्गत स्टोरेज आहे. ते दोघेही Android 15 आधारित ऑपरेटिंग सिस्टमवर कार्य करतात.
Vivo X200 फोन ट्रिपल रियर कॅमेरा सेटअपसह येतो. या सेटअपमध्ये ऑप्टिकल इमेज स्टॅबिलायझेशनसह 50MP Sony IMX921 प्राथमिक सेन्सर, 50MP अल्ट्रा-वाइड आणि 50MP टेलिफोटो सेन्सर समाविष्ट आहे. तर, दुसरीकडे फोटोग्राफीसाठी, प्रो व्हेरियंटमध्ये Zeiss द्वारे बनविलेले 200MP APO टेलिफोटो लेन्स, 50MP मुख्य आणि 50MP अल्ट्रा वाइड अँगल लेन्स आहेत. त्याबरोबरच, आकर्षक सेल्फी आणि व्हीडिओ कॉलिंगसाठी फोनमध्ये 32MP फ्रंट कॅमेरा देण्यात आला आहे.
कंपनीने Vivo X200 मध्ये 5800mAh बॅटरी दिली आहे. तर, X200 Pro मध्ये 6000mAh ची मोठी बॅटरी दिली गेली आहे. दोन्ही फोनची बॅटरी 90W फास्ट चार्जिंगच्या समर्थनासह येते.
दोन्ही फोनमधील उपलब्ध इतर फीचर्सबद्दल बोलायचे झाल्यास, या फोनमध्ये ड्युअल सिम, Wi-Fi, GPS, ब्लूटूथ आणि USB टाइप-C पोर्ट आहे.
