कंपनीने अलीकडेच आपली नवीन Itel P55 सिरीज बजेट विभागात लाँच केली आहे. त्यानंतर आज म्हणजेच 13 फेब्रुवारी रोजी या कंपनीचा पहिला सेल आहे. या सिरीजअंतर्गत दोन स्मार्टफोन itel P55 आणि itel P55+ समाविष्ट करण्यात आले आहेत. आम्ही तुम्हाला सांगतो की, दोन्ही फोन नवीनतम ऑपरेटिंग सिस्टमवर काम करतात. याव्यतिरिक्त, उपकरणे एक मजबूत बॅटरीसह येतात जी जलद चार्जिंगला समर्थन देते. चला तर मग जाणून घेऊयात Itel च्या नवीनतम फोन्सची पहिली सेल डिटेल्स आणि त्यावरील ऑफर्स-
itel P55 सिरीज ऑनलाइन शॉपिंग वेबसाइट Amazon India वर दुपारी 12 वाजता सुरू होणार आहे. पहिल्या सेलमधील ऑफर्सबद्दल बोलायचे झाल्यास, या दोन्ही स्मार्टफोन्सवर 500 रुपयांची सूट, एक्सचेंज डील आणि परवडणारी EMI ऑफर केली जात आहे.
itel P55 बद्दल बोलायचे झाल्यास, हा स्मार्टफोन 4GB + 128GB स्टोरेज आणि 8GB + 128 स्टोरेज वेरिएंटमध्ये सादर करण्यात आला आहे. ज्याची किंमत अनुक्रमे 6,999 आणि 8,999 रुपये आहे. हा फोन Royal Green आणि Meteor Black कलर ऑप्शन्समध्ये उपलब्ध आहे.
याव्यतिरिक्त, या सिरीजमध्ये अपग्रेडेड आवृत्ती म्हणजेच itel P55+ 9,499 रुपयांना खरेदीसाठी उपलब्ध करून देण्यात आली आहे. ही फोनच्या 8GB रॅम आणि 256GB स्टोरेज व्हेरिएंटची किंमत आहे. हा स्मार्टफोन Moonlit Black, Aurora Blue आणि Brilliant Gold कलर ऑप्शन्समध्ये उपलब्ध आहे.
Itel P55 आणि P55 Plus स्मार्टफोनमध्ये 6.6-इंच लांबीचा HD Plus डिस्प्ले आहे, ज्याचा रीफ्रेश रेट 90Hz आहे. दोन्ही हँडसेट Unisoc T606 Octa Core चिपसेटने सुसज्ज आहेत. सुरक्षिततेसाठी दोन्ही फोन्स फेस अनलॉक आणि फिंगरप्रिंट सेन्सरसह सज्ज आहेत. दोन्ही फोनमध्ये Wi-Fi, GPS, ड्युअल सिम स्लॉट, ब्लूटूथ, ऑडिओ जॅक आणि USB टाइप-C पोर्ट सारखे फीचर्स आहेत.
आकर्षक फोटो क्लिक करण्यासाठी itel P55 सिरीज फोनमध्ये ड्युअल रियर कॅमेरा सेटअप मिळेल. ज्यामध्ये अप्रतिम फोटोज कॅप्चर करण्यासाठी 50MP AI कॅमेरा मिळेल. तर सेल्फीसाठी, स्मार्टफोनमध्ये 8MP कॅमेरा देण्यात आला आहे. दोन्ही फोन्समध्ये 5000mAh ची मजबूत बॅटरी आहे. मात्र, दोन्ही फोनचं फास्ट चार्जिंग टेक्नॉलॉजीमध्ये फरक आहे. itel P55 मध्ये 18W जलद चार्जिंग तर, itel P55+ फोनमध्ये 45W जलद चार्जिंग उपलब्ध आहे.
