iQoo ने या आठवड्याच्या सुरुवातीला त्याचा iQoo 11 5G फोन लॉन्च केला. हा स्मार्टफोन Qualcomm Snapdragon 8 Gen 2 प्रोसेसरने समर्थित आहे. Amazon प्राइम सदस्य आजपासून स्मार्टफोन खरेदी करू शकतात. इतर लोकांसाठी, फोनची विक्री 13 जानेवारीपासून सुरू होईल.
हे सुद्धा वाचा : तुमचे डिजिटल Voter Id कार्ड 'अशा' प्रकारे मोबाईलमध्ये डाउनलोड करा
iQOO 11 मध्ये 6.78-इंच 2K LTPO4 AMOLED स्क्रीन 144Hz च्या रिफ्रेश रेटसह आहे आणि 1 बिलियन कलर आणि 1800 nits पीक ब्राइटनेस आहे. फोनमध्ये 16MP फ्रंट कॅमेरा मिळत आहे.
फोनमध्ये हेडफोन जॅक दिलेला नाही. परंतु, डिव्हाइसमध्ये तुम्हाला 5G, अंडर-डिस्प्ले फिंगरप्रिंट स्कॅनर, Wi- Fi 6 आणि ब्लूटूथ 5.3 सारखी इतर फीचर्स देण्यात आली आहेत. फोनला 5000mAh बॅटरी आणि 120W PD 3.0 वायर्ड चार्जिंग मिळत आहे.
रियर कॅमेरा पॅनेलमध्ये 50MP प्रायमरी कॅमेरा, 13MP (2x) टेलीफोटो शूटर आणि 8MP अल्ट्रावाइड स्नॅपर आहे. फोन 256GB पर्यंत UFS 4.0 स्टोरेज आणि 16GB LPDDR5x RAM सह Snapdragon 8 Gen 2 चिपसेट द्वारे समर्थित आहे. डिव्हाइसमध्ये कोणतेही एक्‍सपेंडेबल स्टोरेज दिलेले नाही.
iQoo 11 5G दोन रॅम मॉडेल्समध्ये 8GB आणि 16GB 256GB अंतर्गत स्टोरेजसह ऑफर केले जातात. 8GB रॅम वेरिएंटची किंमत 59,999 रुपये आहे, तर 16GB रॅम मॉडेलची किंमत 64,999 रुपये आहे. इंट्रोडक्ट्री ऑफर अंतर्गत, HDFC आणि ICICI बँक कार्डवर 5000 रुपयांची सूट दिली जात आहे. Amazon प्राइम सदस्यांना फोन खरेदीवर 1000 रुपयांची अतिरिक्त सूट मिळू शकते. याशिवाय, Vivo आणि iQoo वरून जुन्या फोनची देवाणघेवाण करून तुम्हाला 3000 रुपयांची बोनस सूट देखील मिळू शकते.