बजेट सेगमेंटच्या स्मार्टफोन्सच्या यादीत आणखी एक नाव सामील झाले आहे. Infinix ने नवीन फोन Infinix SMART 7HD लाँच केला आहे. यापूर्वी Infinix SMART 7HD जागतिक स्तरावर लाँच झाला होता. तर, आता हा स्मार्टफोन भारतात लाँच झाला आहे. या स्मार्टफोनसह तुम्हाला प्रीमियम डिझाईन मिळेल. तसेच, स्वस्तात तुम्हाला उत्तम स्टोरेज देखील मिळणार आहे.
वर सांगितल्याप्रमाणे Infinix SMART 7HD बजेट स्मार्टफोन आहे. या स्मार्टफोनची किंमत एकूण 5,399 रुपये ठेवण्यात आली आहे. हा फोन ब्लॅक, सिल्क ब्लू, जेड व्हाइट आणि ग्रीन ऍप्पल कलरमध्ये खरेदीसाठी उपलब्ध असणार आहे.
Infinix SMART 7HD मध्ये 6.6-इंच लांबीचा फुल HD+ डिस्प्ले मिळणार आहे. Infinix SMART 7HD ला 2GB LPDDR4X RAM सोबत 2GB व्हर्च्युअल रॅम मिळेल. यासह, फोनमध्ये 64 GB पर्यंत स्टोरेज उपलब्ध असणार आहे. त्याबरोबरच, यात Android 12 Go आधारित XOS 12 ऑक्टाकोर AI प्रोसेसरसह उपलब्ध आहे. यात फिंगर प्रिंट सॅन्ड्रा आणि फेस अनलॉक फिचरदेखील मिळणार आहे.
Infinix SMART 7HD मध्ये 8-मेगापिक्सेलचा ड्युअल AI रिअर कॅमेरा आहे. कॅमेरासोबत ड्युअल LED फ्लॅशलाइटही उपलब्ध आहे. तसेच, 5-मेगापिक्सलचा सेल्फी कॅमेराही मिळणार आहे. फोनची बॅटरी 5000mAh ची आहे, त्यासोबत पॉवर सेविंग मोड देखील मिळणार आहे. बॅटरीबाबत तब्बल 50 तासांच्या बॅटरी लाईफचा दावा करण्यात आला आहे.