मोबाईल डिवायसेस निर्माता कंपनी हुआवेने भारतात आपला नवीन स्मार्टफोन P9 लाँच केला. भारतात ह्या स्मार्टफोनची किंमत ३९,९९९ रुपये ठेवण्यात आली आहे. हा ऑनलाइन शॉपिंग साइट फ्लिपकार्टवर विक्रीसाठी उपलब्ध झाला आहे. ह्या स्मार्टफोनमध्ये 5.2 इंचाची पुर्ण HD डिस्प्ले दिली आहे.
त्याचबरोबर हा स्मार्टफोन किरिन 955 ऑक्टा-कोर प्रोसेसरने सुसज्ज आहे, ज्यात क्लॉक स्पीड 2.5GHz आहे. हा डिवाइस 3GB रॅम आणि 32GB अंतर्गत स्टोरेजने सुसज्ज आहे. ह्या फोनमध्ये 12MP चा ड्यूल रियर कॅमेरा दिला आहे. तर 8MP चा फ्रंट फेसिंग कॅमेरा दिला आहे.
त्याचबरोबर ह्या फोनमध्ये 3000mAh ची बॅटरी दिली गेली आहे. हा अॅनड्रॉईड मार्शमॅलो v6.0 वर आधारित आहे. ह्या फोनमध्ये फिंगरप्रिंट सेंसरसुद्धा दिला आहे. ह्यात USB टाइप-C पोर्टसुद्धा यूजर्सला मिळत आहे.