दर आठवड्याप्रमाणे या आठवड्यातही अनेक चित्रपट आणि मालिका OTT वर प्रदर्शित होणार आहेत. अशा परिस्थितीत, तुम्ही OTT वर नुकत्याच प्रदर्शित झालेल्या चित्रपटांचा आनंद घेऊ शकता. तुमचे आवडते चित्रपट आणि वेब सिरीज कुठे आणि केव्हा रिलीज होतील, ते बघुयात…
हे सुद्धा वाचा : OnePlus चे हे तीन नवीन उपकरण भारतात 'या' किमतीत येणार, 7 फेब्रुवारीला उठेल पडदा
नुकतीच भुवन बामची 'ताजा खबर' ही वेबसिरीज रिलीज झाली आहे. आता त्याचा नवा वेब शो 'राफ्ता राफ्ता' येणार आहे, ज्याचा ट्रेलर रिलीज झाला आहे. 'राफ्ता राफ्ता' ही अशी एक कथा आहे, जी दोन व्यक्तींचा हृदयस्पर्शी प्रवास दर्शवते. प्रेक्षक 25 जानेवारीला Amazon Mini TV वर शो पाहू शकतात.
'जांबाज हिंदुस्तान के' ही वेबसीरिज सशस्त्र दलांच्या भावनेला समर्पित आहे, ज्यामध्ये रेजिना कॅसॅंड्रा मुख्य भूमिकेत आहे. काव्या अय्यर एक महत्त्वाकांक्षी IPS अधिकारी आहे, जी आपल्या देशाच्या रक्षणासाठी सर्वकाही करण्यास तयार आहे. ही वेब सिरीज 26 जानेवारीला ओटीटी प्लॅटफॉर्म Zee फाइव्हवर रिलीज होणार आहे.
बॉलीवूड अभिनेता आयुष्मान खुरानाचा चित्रपट 'एन ऍक्शन हिरो' 2 डिसेंबर 2022 रोजी प्रेक्षकांसाठी चित्रपटाच्या पडद्यावर प्रदर्शित झाला. आता हा चित्रपट ओटीटीवर दहशत निर्माण करण्यासाठी पूर्णपणे सज्ज आहे. हा चित्रपट 27 जानेवारी रोजी OTT प्लॅटफॉर्म Netflix वर प्रदर्शित होणार आहे.