नवीन आठवडा सुरू होताच, चित्रपट आणि वेब शो प्रेमी या आठवड्यात OTT वर काय प्रदर्शित होणार आहे हे जाणून घेण्यासाठी उत्सुक असतात. कारण थिएटरव्यतिरिक्त घरात असलेल्या प्रेक्षकांसाठी OTT हे मनोरंजनाचे एक उत्तम साधन आहे. यामुळेच एक मोठा प्रेक्षकवर्ग OTT कडे अधिक लक्ष देऊ लागला आहे. OTT वर दर आठवड्याला काहीतरी नवीन रिलीज केले जाते. हा आठवडाही प्रेक्षकांसाठी खास असणार आहे. चला तर मग या आठवड्यात कोणते चित्रपट आणि सिरीज OTT वर प्रदर्शित होत आहेत ते बघुयात…
हे सुद्धा वाचा : प्रतीक्षा संपली ! OPPO Reno 8 5G ची विक्री आजपासून सुरु, जाणून घ्या किंमत आणि फीचर्स
आर माधवन स्टारर 'रॉकेट्री' या चित्रपटाला थिएटरमध्ये प्रेक्षकांचा चांगला प्रतिसाद मिळाला आहे. इस्रोचे माजी शास्त्रज्ञ नंबी नारायणन यांच्या जीवनावर आधारित हा चित्रपट 1 जुलै रोजी थिएटरमध्ये प्रदर्शित झाला. हा चित्रपट हिंदी व्यतिरिक्त तामिळ, तेलगू, कन्नड आणि मल्याळम भाषेत प्रदर्शित झाला आहे. आता हा चित्रपट 26 जुलै रोजी Amazon Prime Video वर प्रदर्शित होणार आहे.
रॉबर्ट पॅटिन्सन स्टारर 'द बॅटमॅन' चित्रपटगृहात दाखल झाल्यानंतर लवकरच OTT वर रिलीज होणार आहे. 'द बॅटमॅन'ला प्रेक्षकांचा चांगला प्रतिसाद मिळाला. त्यामुळे निर्मात्यांनी तो लवकरच OTT वर आणण्याचा निर्णय घेतला आहे. चित्रपटाच्या प्रदर्शनाची तारीखही जाहीर करण्यात आली आहे. त्यामुळे ज्यांना चित्रपटगृहात तो पाहता आला नाही, ते आता घरबसल्या चित्रपटाचा आनंद घेऊ शकतात. "द बॅटमॅन" 27 जुलै रोजी प्राइम व्हिडिओवर स्ट्रीम होईल. हा चित्रपट इंग्रजी, हिंदी, तमिळ, तेलगू, मल्याळम आणि कन्नड भाषांमध्ये प्रदर्शित केला जाईल.
'रंगबाज डर की पॉलिटिक्स' सीझन 3 वेब सीरिजचा ट्रेलर काही दिवसांपूर्वी रिलीज झाला होता. ट्रेलरमध्ये गुन्हेगारी, राजकारण, भ्रष्टाचार इ. पाहायला मिळणार आहे. सचिन पाठक दिग्दर्शित आणि सिद्धार्थ मिश्रा लिखित 'रंगबाज: डर की पॉलिटिक्स' 29 जुलै रोजी ZEE5 वर प्रदर्शित होणार आहे.
'777 चार्ली' या चित्रपटात मानव आणि प्राणी यांच्यातील नात्याची सुंदर कथा दाखवण्यात आली आहे. हा चित्रपट पाहिल्यानंतर प्रत्येकाचे मन भरून येईल. सर्वसामान्यांसोबतच चित्रपट कलाकार आणि राजकारण्यांनाही हा चित्रपट आवडला आहे. हा चित्रपट 29 जुलै रोजी VOOT वर प्रदर्शित होणार आहे.
गुड लक जेरी हा 2018 च्या तमिळ चित्रपट 'कोलामावू कोकिला'चा रिमेक आहे. हा चित्रपट एका निष्पाप मुलीच्या जीवनावर आधारित आहे. जी अमली पदार्थांच्या तस्करी व्यवसायात ओढली जाते. या चित्रपटात जान्हवी कपूर मुख्य भूमिकेत आहे. कॉमेडी, क्राईम आणि ड्रामावर आधारित हा चित्रपट 29 जुलै रोजी Disney + Hotstar वर प्रदर्शित होणार आहे.