New Aadhaar App Benefits
New Aadhaar App Benefits: अलिकडेच मोदी सरकारने आधार कार्डचा वापर आणखी सुलभ करण्यासाठी एक नवीन आधार अ‍ॅप लाँच केले आहे. या ऍपद्वारे लोकांची वेरिफिकेशनची प्रक्रिया अवघ्या काही वेळात होईल. होय, हे आता UPI पेमेंट इतकेच सोपे झाले आहे. थोडक्यात सांगायचे झाल्यास, ज्याप्रमाणे तुम्ही दुकानदाराला पेमेंट करण्यासाठी तुमच्या फोनवरून QR कोड स्कॅन करता. अगदी त्याचप्रमाणे येणाऱ्या काळात तुम्ही तुमच्या फोनवरून QR कोड स्कॅन करून तुमची ओळख सिद्ध करू शकाल.
Also Read: New Aadhaar App: कार्ड आणि फोटोकॉपी सोबत ठेवण्याची गरज संपली! सरकारने लाँच केले नवीन ऍप
आम्ही तुम्हाला सांगतो की, आजकाल अनेक सेवांमध्ये आधारचा वापर केला जात असल्याने, नव्या ऍपला भारतासाठी गेम चेंजर असे देखील म्हटले जात आहे. नव्या आधार ऍपचे महत्त्वाचे फायदे जाणून घेऊयात-
नवी आधार ऍपची कार्यशैली मुळातच खूप सोपी आहे. आता तुम्हाला तुमच्या पाकिटात फिजिकल आधार कार्ड ठेवण्याची गरज नाही. यासाठी तुमचा स्मार्टफोनंच पुरेसा आहे. जर तुम्ही परीक्षा केंद्र, रुग्णालय किंवा बँकेत इ. ठिकाणी जात आहेत, तिथे पोहोचल्यानंतर तुम्हाला फोनमधील नवीन आधार ऍप ओपन करावे लागेल.
त्यानंतर तिथे दिलेला QR कोड स्कॅन करावा लागेल. स्कॅन पूर्ण झाल्यानंतर तुमची ओळख पडताळणी अवघ्या काही सेकंदातच होईल. भारत आपल्या तंत्रज्ञानाचा वापर कसा करत आहे, या दिशेने हे ऍप म्हणजे महत्त्वाचे पाऊल मानले जात आहे.
महत्त्वाचे सांगायचे झाल्यास, नवीन Aadhaar App चे नाव उघड झालेले नाही. मात्र, काही अहवालांनुसार, हे m-Aadhaar App चे अपडेट केले गेले आहे. हे नवीन ऍप देखील UIDAI च्या सहकार्याने तयार करण्यात आले आहे. अ‍ॅपच्या मदतीने कोणत्याही व्यक्तीची ओळख पडताळता येते. तसेच, यासह फसवणूकिची प्रकरणे रोखण्यास देखील मदत होईल, अशी अपेक्षा आहे.
