बॉलीवूड अभिनेता कार्तिक आर्यनच्या 'फ्रेडी' या चित्रपटाची घोषणा झाल्यापासून चाहते चित्रपट पाहण्यासाठी उत्सुक आहेत. आता अभिनेत्याने चित्रपटाचे पोस्टर शेअर केले आहे. यादरम्यान त्याने हा चित्रपट कोणत्या OTT प्लॅटफॉर्मवर प्रदर्शित होणार हे देखील सांगितले. चित्रपटाचे पोस्टर खूपच वेगळे आहे. यामध्ये कार्तिक डोळ्यावर चष्मा लावून गंभीर भाव देत आहे. तसेच, कार्तिकने हातावर दाताचा जबडा पकडला आहे. यासोबतच त्याच्या हातात घातलेल्या ग्लोव्हजमध्ये रक्त आहे.
हे सुद्धा वाचा : एका रिचार्जने तणावमुक्त व्हा! एका वर्षाच्या वैधतेसह मिळेल डेटा, मोफत कॉल्स आणि SMS बेनिफिट…
आपल्या अधिकृत इंस्टाग्राम पोस्टर शेअर करताना कार्तिकने लिहिले की, "डॉक्टर फ्रेडी जिनवाला. अपॉईंटमेंट्स ओपनिंग सून." हा चित्रपट Disney + Hotstar वर प्रदर्शित होणार आहे. या चित्रपटात कार्तिकसोबत आलिया फर्निचरवाला मुख्य भूमिकेत आहे. एकता कपूर या चित्रपटाची निर्मिती करत आहे.
याआधी कार्तिकने आणखी एक पोस्टर शेअर केले होते, ज्यामध्ये दातांच्या जबड्यांसह कासव आहे आणि त्याच्या आत गुलाबाचे फूल आहे. पोस्टर शेअर करताना कार्तिकने लिहिले की, "स्लो अँड स्टेडी विन्स द रेस. बी रेडी टू एंटर वर्ल्ड ऑफ फ्रेडी"
हे पोस्टर्स पाहिल्यानंतर चाहत्यांमध्ये अभिनेत्याचा चित्रपट पाहण्यासाठी उत्सुकता वाढली आहे. यासोबतच सर्वजण कार्तिकचे कौतुक करत आहेत. कार्तिक ज्या प्रकारचे चित्रपट निवडतोय, त्यामुळे त्याचा ग्राफ चांगला होईल. अशाप्रकारे चर्चा बॉलीवूडमध्ये सुरु आहेत.