स्पॅम कॉल्सने वैतागलात ? जाणून घ्या ‘अशा’ कॉल्सना ब्लॉक कसे कराल, बघा स्टेप बाय स्टेप प्रक्रिया…

रिलायन्स JIO, AIRTEL आणि VI त्यांच्या ग्राहकांना डू नॉट डिस्टर्ब (DND) सेवा देत आहेत. विशेषतः जर तुम्हाला स्पॅम कॉल येत असतील तर DND ही एक महत्त्वाची सेवा आहे. त्यामुळे, जर तुम्ही टेलिफोन कंपन्या आणि बँकांचे कॉल नियंत्रित करण्याचे मार्ग शोधत असाल, तर आम्ही स्टेप बाय स्टेप प्रक्रिया सांगणार आहोत. वेबसाइट किंवा मॅसेजद्वारे तुम्ही ही सेवा कोणत्याही नेटवर्कमध्ये सुरू करू शकता.

हे सुद्धा वाचा : Amazon प्राइम सदस्यांसाठी आनंदाची बातमी! कंपनीने यूजर्सना दिली एक मोठी भेट

AIRTEL सिममध्ये ही सेवा कशी सुरू करावी ?

स्टेप 1: एअरटेल कंपनीच्या वेबसाइटवर या लिंकवर जा- https://www.airtel.in/airtel-dnd/

स्टेप 2: Airtel Mobile Services विभागाच्या पर्यायावर क्लिक करा.

स्टेप 3: येथे क्लिक करा पर्यायावर क्लिक करा आणि तुमचा मोबाइल नंबर प्रविष्ट करून OTP व्हेरिफाय करा.

स्टेप 4: तुम्हाला तुमच्या फोनवर प्राप्त झालेला OTP बॉक्समध्ये एंटर करा. त्यानंतर तो थेट दुसऱ्या विभागात जाईल, ज्यामुळे तुम्हाला सर्व विभाग आणि प्रोमो कोड ब्लॉक करता येतील. याशिवाय, कंपनी तुम्हाला बँक, रिअल-इस्टेट, आरोग्य, शिक्षण, अन्न, पर्यटन यांसारख्या कंपन्यांकडून येणारे स्पॅम कॉल ब्लॉक करण्याची संधी देखील देईल.

रिलायन्स जिओ सिममध्ये ही सेवा कशी सुरू करावी ?

स्टेप 1: तुम्हाला जिओ वेबसाइटच्या या लिंकवर जावे लागेल -" https://www.jio.com/en-in/faq/apps/my-jio/how-do-i-activate-do-not-disturb- dnd .html". तुम्ही MyJio ऍपद्वारे DND च्या पेजला देखील भेट देऊ शकता.

स्टेप 2: MyJio ऍपवर क्लिक करा, त्यानंतर मेनू विभागात क्लिक करा. तेथे तुम्हाला प्रोफाईलसह इतर सेटिंग्जचा पर्याय मिळेल. तुम्ही DND च्या पर्यायावर क्लिक करा.

स्टेप 3: आता तुमचा पसंतीचा विभाग निवडा आणि सबमिट बटनवर क्लिक करा.

मॅसेजद्वारे स्पॅम कॉल थांबवा…

 स्पॅम कॉल्स थांबवण्यासाठी, तुम्हाला 1909 वर मॅसेज पाठवावे लागेल. स्पॅम कॉल्स थांबवण्यासाठी तुम्ही 1909 या क्रमांकावर देखील कॉल करू शकता. टेलिकॉम ऑपरेटरला तुमच्या मोबाईल नंबरवर DND सेवा सक्रिय करण्यासाठी एक आठवडा लागेल. एकदा ते सक्रिय झाल्यानंतर, तुम्हाला तुमच्या टेलिकॉम ऑपरेटरकडून एक मॅसेज मिळेल आणि त्यानंतर तुमच्या नंबरवर स्पॅम कॉल येणार नाहीत. आम्ही तुम्हाला सांगतो की, या नंबरद्वारे BSNL आणि MTNL वापरकर्ते स्पॅम कॉल्स देखील थांबवू शकतात.

Vi (Vodafone-Idea) सिममध्ये ही सेवा कशी सुरू करावी?

स्टेप 1: यासाठी देखील तुम्हाला प्रथम Vodafone-Idea https://www.myvi.in/dnd या लिंकवर जावे लागेल. येथे तुम्हाला तुमचा मोबाईल नंबर टाकावा लागेल.

स्टेप 2: आता तुम्हाला तुमच्या नंबरद्वारे OTP व्हेरिफाय करावा लागेल आणि नाव, ईमेल पत्ता यासारखे तपशील प्रविष्ट करावे लागतील.

स्टेप 3: आता तुम्हाला Full आणि Partial पर्याय निवडा आणि निवडा वर क्लिक करा. यानंतर तुम्हाला ही सेवा व्होडाफोन किंवा आयडिया सिमवर मिळेल.