खरंच ? यावर्षी येणार नाही Bigg Boss OTT सीझन 2 ! मेकर्स प्रेक्षकांना देणार ‘हे’ मोठे सरप्राईज

Bigg Boss हा भारतीय टेलिव्हिजनचा सर्वात लोकप्रिय आणि वादग्रस्त टीव्ही शो आहे, यात शंका नाही. टीव्हीवर या शोची लोकप्रियता इतकी जास्त आहे की, निर्मात्यांनी तो OTT वरही आणण्याचा निर्णय घेतला. गेल्या वर्षी, निर्मात्यांनी करण जोहरने होस्ट केलेला बिग बॉस शो OTT प्लॅटफॉर्म Voot वर लाँच केला होता. शो चर्चेत होता पण बिग बॉसच्या घरातून 24 तास थेट प्रक्षेपण चालवण्याचा फॉर्म्युला प्रेक्षकांना फारसा आवडला नाही.

हे सुद्धा वाचा : प्रतीक्षा संपली ! Nothing phone 1 ची ग्लोबल लॉन्चिंग आज, 'अशा'प्रकारे बघा लाइव इवेंट

बिग बॉस OTT सीझन 2 यावर्षी येणार नाही

कदाचित त्यामुळेच निर्मात्यांनी यावर्षी बिग बॉस OTT न आणण्याचा निर्णय घेतला आहे. बिग बॉसशी संबंधित अंतर्गत बातम्या शेअर करणाऱ्या 'बिग बॉस तक' या मायक्रोब्लॉगिंग अकाऊंटने याबाबत ट्विट केले असून बिग बॉस OTT चा दुसरा सीझन या वर्षी येणार नाही असे म्हटले आहे. मात्र, पुढील वर्षी म्हणजेच 2023 मध्ये ते पुन्हा एकदा आणले जाईल आणि परत येण्याची वेळही विशेष ठेवण्यात आली आहे. 

सेट बनवण्याचे काम या महिन्यात सुरू होणार?

असे देखील वृत्त आहे की, प्रसिद्ध अभिनेता सलमान खानने होस्ट केलेला टीव्ही शो बिग बॉस 16 संपल्यानंतर, निर्माते बिग बॉस OTT चा सीझन 2 आणतील. रिपोर्टनुसार, बिग बॉस 16 चा प्रीमियर सप्टेंबरच्या शेवटी किंवा ऑक्टोबरच्या पहिल्या आठवड्यात ठेवला जाईल. पुढील 2 आठवड्यांच्या आत सेटवरील काम सुरू केले जाईल, जे शक्य तितक्या लवकर पूर्ण करण्याचे निर्मात्यांनी लक्ष्य ठेवले आहे.

बिग बॉस OTT बद्दल काही विशेष गोष्टी

आपल्या कपड्यांमुळे चर्चेत आलेली अभिनेत्री उर्फी जावेद बिग बॉस OTT मध्ये स्पर्धक म्हणून होती. याशिवाय,  बिग बॉस OTT मध्ये अभिनेता राकेश बापट आणि अभिनेत्री शमिता शेट्टीची प्रेमकहाणीही सुरू झाली, जी बराच काळ चर्चेचा विषय होती. OTT वरील पहिल्या सीझनच्या विजेत्याबद्दल सांगायचे झाले तर, दिव्या अग्रवालने बिग बॉस OTT चा पहिला सीझन जिंकला. त्याबरोबरच, अभिनेत्री तेजस्वी प्रकाश बिग बॉस सीझन 15ची विनर आहे.