‘पृथ्वीराज’ फ्लॉप झाला तरीही, शाहरुख-सलमानला मागे टाकून अक्षय बनला सर्वात लोकप्रिय अभिनेता

बॉलीवूड अभिनेता अक्षय कुमारने एकदा 'कॉफी विथ करण' मध्ये म्हटले होते की, तो त्याच्या गेममध्ये सुधारणा करत राहील आणि त्याची हीच शिस्त एक दिवस त्याला बॉलीवूड सुपरस्टार शाहरुख खान आणि सलमान खानपेक्षाही पुढे नेईल. अक्षयचे हे शब्द आता खरे होताना दिसत आहेत. सध्याच्या रेटिंगनुसार अक्षय कुमार शाहरुख आणि सलमानपेक्षाही लोकप्रिय अभिनेता बनला आहे.

हे सुद्धा वाचा : 'सम्राट पृथ्वीराज' चित्रपट लवकरच OTT वर रिलीज होणार! तोटा कमी करण्यासाठी निर्मात्यांची नवी योजना

अक्षय कुमार सर्वात लोकप्रिय अभिनेता

शाहरुख खान आणि सलमान खान यांना साहजिकच बॉलीवूडचे सुपरस्टार अभिनेते म्हटले जाते. पण Ormax  India च्या अहवालानुसार, अक्षय कुमारने लोकप्रियतेच्या बाबतीत शाहरुख खान आणि सलमान खानला मागे टाकले आहे. विशेष म्हणजे अक्षय कुमारचा 'पृथ्वीराज' हा चित्रपट अत्यंत वाईटरित्या फ्लॉप झाला असताना हा निकाल समोर आला आहे.

यादीत दुसऱ्या क्रमांकावर शाहरुख खान

अक्षय कुमारचा चित्रपट 'सम्राट पृथ्वीराज' हा एक पीरियड ड्रामा चित्रपट आहे. ज्यापासून प्रेक्षकांना खूप आशा होत्या. परंतु असे असूनही, चित्रपट बॉक्स ऑफिसवर अपेक्षित कामगिरी दाखवू शकला नाही. अक्षय कुमार नंतर Ormax  Indiaच्या रेटिंगनुसार या यादीत बॉलीवूड किंग शाहरुख खान दुसऱ्या क्रमांकावर आहे.

यादीत तिसऱ्या क्रमांकावर सलमान खान

सलमान खानबद्दल बोलायचे झाले तर, यावर्षी ईदला सलमान खानचा एकही चित्रपट प्रदर्शित झालेला नाही. लोकप्रियतेनुसार बनवलेल्या या यादीत सलमान खान तिसऱ्या क्रमांकावर आहे. चाहते सलमान खानच्या 'टायगर 3' या चित्रपटाची आतुरतेने वाट पाहत आहेत. या चित्रपटात अभिनेता शाहरुख खानही महत्त्वाच्या भूमिकेत दिसणार आहे, असे म्हटले जात आहे.