तब्बल 50 तासांपर्यंत बॅटरी लाइफ असलेले Mivi DuoPods F40 इयरबड्स भारतात लाँच करण्यात आले आहेत. इयरबड्स फ्लिपकार्ट आणि Mivi वेबसाइटवर पाच कलर ऑप्शन्ससह 'लाँच डे' ऑफर प्राईसमध्ये उपलब्ध आहेत. DuoPods F40 IPX4 वॉटर रेझिस्टंट रेटिंगसह येतात. इयरबड्सच्या बॅटरी केसमध्ये LED स्क्रीन आहे, ज्यामुळे वापरकर्त्यांना बॅटरी किती वापरली गेली याबाबत कळेल. चला तर जाणून घेऊयात Mivi DuoPods F40 सविस्तरपणे तपशील…
Mivi चे नवीन DuoPods F40 भारतात लाँच डे ऑफर अंतर्गत 999 रुपयांच्या किमतीत लाँच केले गेले आहेत. प्रास्ताविक ऑफरनंतर, तुम्हाला हवे असल्यास इयरबड्स 1,199 रुपयांना उपलब्ध होतील. हे डिवाइस तुम्हाला Flipkart आणि Mivi च्या अधिकृत वेबसाइटवरून खरेदी करता येईल. Mivi DuoPods F40 व्हाईट, ब्लॅक, ग्रे, ग्रीन आणि ब्लु अशा पाच वेगवेगळ्या कलर ऑप्शन्समध्ये खरेदीसाठी उपलब्ध आहे. येथून खरेदी करा…
हे सुद्धा वाचा : 50MP कॅमेरा, 6GB RAM आणि 5000mAh बॅटरीसह सर्वोत्कृष्ट 5G स्मार्टफोन्स, किंमत रु. 15,000पेक्षा कमी
Mivi DuoPods F40 मध्ये स्टुडिओ साउंड एक्सपेरियन्ससाठी 13mm इलेक्ट्रो-डायनॅमिक ड्रायव्हर्स आहेत. DuoPods F40 इयरबड्स वजनाने हलके आहेत. तसेच, यात परिधान करणार्‍यांच्या आरामासाठी एर्गोनॉमिक डिझाइन आहे. यात चांगल्या कॉल कॉलिटीसाठी ड्युअल मायक्रोफोनचा वापर होतो. तसेच, यात सिरी आणि गुगल असिस्टंटसाठी सपोर्टदेखील मिळेल. या इअरबड्सना ऑडिओ ट्रॅक बदलण्यासाठी, कॉल स्वीकारण्यासाठी आणि कॉल नाकारण्यासाठी वन-टॅप टच बटन्स देखील मिळतात.
DuoPods F40 सिंगल चार्जवर तब्बल 50 तास चालतात, असा दावा कंपनीकडून करण्यात आला आहे. यात वायरलेस कनेक्टिव्हिटीसाठी ब्लूटूथ आवृत्ती 5.1 आहे. केसमध्ये चार्जिंगसाठी USB Type-C पोर्ट आणि बॅटरी युसेज ट्रॅक करण्यासाठी LED डिस्प्ले आहे. इयरबड्स IPX4 वॉटर रेझिस्टंट रेटिंगसह येतात, जेणेकरुन वापरकर्त्यांना ते पाऊस आणि वर्कआउट सेशनमध्ये घालता येतील. यासोबतच, यामध्ये एक वर्षाची मॅन्युफॅक्चरिंग वॉरंटीही दिली जात आहे.