Twitter यूजर्ससाठी खुशखबर! ट्विट एडिट करण्याचे टेन्शन संपले आहे, ‘EDIT’ बटण लाँच

तुम्हीही Twitter वर सक्रिय असाल तर तुमच्यासाठी एक आनंदाची बातमी आहे. ट्विटर EDIT बटण आजपासून सुरू करण्यात आले आहे. सोशल मीडिया प्लॅटफॉर्मने सप्टेंबरच्या सुरुवातीला घोषणा केली होती की, त्यांनी नवीन फिचरची इंटर्नल टेस्टिंग सुरू केली आहे. ट्विटर इंडिया येत्या आठवड्यात आपल्या सशुल्क सदस्यांसाठी 'EDIT' बटण लॉन्च करेल.

हे सुद्धा वाचा : Xiaomi 11T Pro 5G वर तब्बल 21,500 रुपयांची सूट, दिवाली सेलमध्ये मिळतायेत अप्रतिम ऑफर्स

ट्विटर ब्लॉग पोस्टनुसार, ट्विटर ब्लूसाठी दरमहा $4.99 भरणारे ग्राहक लवकरच 30 मिनिटांत त्यांचे ट्विट 'काही वेळा' संपादित करू शकतील. टायपोसारख्या चुका दुरुस्त करण्यासाठी ट्विटर वापरकर्त्यांनी त्यांचे ट्विट पब्लिश केल्यानंतर एडिट करण्याची मागणी केली आहे.

Facebook, Reddit आणि Pinterest सारख्या सोशल मीडिया प्लॅटफॉर्मने वर्षानुवर्षे वापरकर्त्यांना पोस्ट एडिट करण्याची ऑफर दिली आहे. अहवालानुसार, संपादित केलेल्या ट्विटमध्ये एक चिन्ह आणि टाइमस्टॅम्प असेल, जे पोस्ट शेवटचे एडिट केव्हा प्रकाशित केले जाईल हे दिसेल. वापरकर्त्यांना एडिट हिस्ट्री आणि पोस्टच्या मागील वर्जन पाहण्यासाठी एडिट बटणावर क्लिक करावे लागेल.

टेकक्रंचच्या अहवालानुसार, एडिट बटण फिचरमुळे वापरकर्त्यांना त्यांचे ट्वीट दुरुस्त करण्यासाठी 30 मिनिटे मिळतील. एडिट ट्विट फेरबदलाचा टाइमस्टॅम्प दर्शविणार्‍या लेबलसह दिसेल. एडिट ट्विटचा हिस्ट्री पाहण्यासाठी, तुम्हाला 'ट्विट एडिट करा' बटणवर टॅप करावे लागेल.