तुम्ही कोणतेही सरकारी ऍप्स शोधत असाल तर तुम्हाला अनेक उपयुक्त ऍप्स सापडतील, याबाबत क्वचितच लोकांना माहिती आहे. त्याबरोबरच, तुमच्यापैकी फार कमी लोकांना हे माहीत असेल की, भारत सरकारचे स्वतःचे ऍप स्टोअर देखील आहे, जे Google च्या Play Store आणि Apple च्या App Store शी स्पर्धा करते. आज आम्ही तुम्हाला काही सरकारी मोबाईल ऍप्सबद्दल सांगणार आहोत, जे तुमच्यासाठी खूप उपयुक्त ठरतील.
हे सुद्धा वाचा : Box Office Collection : 'Thor' ने मंगळवारी भारतात सर्वाधिक कमाई केली, बघुयात इतर चित्रपटांची कमाई
UIDAI चे m-Aadhaar ऍप लोकांसाठी खूप उपयुक्त आहे, कारण त्यात लोकांना अनेक सुविधा मिळतील. या ऍपमध्ये लोक डिजिटल फॉरमॅटमध्ये आधार कार्ड ठेवू शकतात. यासोबतच लोकांना त्यांची बायोमेट्रिक माहितीही सुरक्षित ठेवता येणार आहे. गरजेच्या वेळी तुम्ही या ऍपद्वारे आधार कार्डही दाखवू शकता.
केंद्रीय उत्पादन आणि सीमा शुल्क मंडळाने (CBEC) अर्थ मंत्रालयाच्या मदतीने हे ऍप विकसित केले आहे. या ऍपद्वारे तुम्ही GST दराची संपूर्ण माहिती मिळवू शकता. तुम्ही कोणतीही वस्तू खरेदी करत असाल, तर तुम्ही ऍपच्या मदतीने रिअल टाइममध्ये GST चा दर जाणून घेऊ शकता.
या ऍपद्वारे तुम्ही भारत सरकार आणि भारतीय राजकारणाचे सर्व अपडेट्स मिळवू शकता. या ऍपच्या मदतीने तुम्ही भारत सरकारला सूचनाही देऊ शकता. MyGov ची वेबसाइट देखील दिली आहे, ज्यावर सरकारशी संबंधित सर्व प्रकारची माहिती देण्यात आली आहे.
हे ऍप NCERT ने तयार केले आहे. हे अँड्रॉइड आणि IOS दोन्हीवर वापरता येते. ई-पाठशाळा मोबाईल ऍपद्वारे तुम्हाला ई-पुस्तकेही वाचता येतील. यामध्ये तुम्ही तुमच्या पुस्तकांची यादीही बनवू शकता. हे ऍप पूर्णपणे मोफत आहे.
हे ऍप नॅशनल इन्फॉर्मेटिक्स सेंटरने (NIC) विकसित केले आहे. हे देशातील नागरिकांच्या सुरक्षिततेसाठी आहे. या ऍपच्या मदतीने तुम्ही जवळच्या पोलिस स्टेशनची माहिती मिळवू शकता. यामध्ये पोलीस ठाण्याच्या लँडमार्कचीही माहिती देण्यात आली आहे. त्यात सर्व पोलीस नियंत्रण कक्षांचे क्रमांकही आहेत.
यासह, वापरकर्ते ड्रायव्हिंग लायसन्स आणि वाहन नोंदणी प्रमाणपत्राच्या डिजिटल प्रती बनवू शकतात. त्यावर उपस्थित असलेल्या डिजिटल कॉपीला कायदेशीर मान्यता आहे. परंतु लक्षात ठेवा की जर वाहतूक नियम मोडले गेले असतील तर डीएल किंवा आरसी यापैकी कोणत्याही एकाची हार्ड कॉपी असणे आवश्यक आहे. या ऍपवरून सेकंड हँड वाहनाचे तपशीलही तपासता येतात.
डिजिलॉकर ऍप गुगल प्ले स्टोअर आणि ऍप स्टोअरवर उपलब्ध आहे. या ऍपमध्ये लोक ड्रायव्हिंग लायसन्स आणि पॅन कार्डसारखी महत्त्वाची कागदपत्रे डिजिटल स्वरूपात ठेवू शकतात. यामध्ये तुम्ही तुमचे कॉलेजचे प्रमाणपत्रही सेव्ह करू शकता. यामुळे लोकांना कागदपत्रांच्या हार्ड कॉपी नेहमी सोबत ठेवण्याची गरज भासणार नाही. हे ऍप अतिशय उपयुक्त आहे.