Google Chrome चे नवीन फिचर जारी
युजर्सना मिळेल फिंगरप्रिंट लॉकची सुविधा
आता तुमची माहिती अधिक सुरक्षित राहील.
तुमच्या फोनच्या ब्राउझरची हिस्ट्री कोणीतरी पाहू शकते याची तुम्हालाही काळजी वाटत असेल, तर तुमच्यासाठी एक आनंदाची बातमी आहे. Google ने आपल्या क्रोम ब्राउझरसाठी नवीन सिक्योरिटी अपडेट जारी केले आहे. फिंगरप्रिंट लॉक फीचर आता गुगल क्रोममध्ये आले आहे.
हे सुद्धा वाचा : Airtel ने लाँच केले दोन नवीन बंपर डेटा प्री-पेड प्लॅन, मिळेल 60GB हाय-स्पीड डेटा
गुगल क्रोमचे फिंगरप्रिंट लॉक फीचर्स इनकॉग्निटो मोडसाठी जारी केले गेले आहे, जो एक खाजगी मोड आहे. हे फिचर फक्त Android फोन आणि टॅबलेट वापरकर्त्यांसाठी आहे. गुगल क्रोम ब्राउझरमध्ये हे फीचर ऑन केल्यानंतर, ऍपमधून बाहेर येताच इनकॉग्निटो मोड लॉक होईल.
यानंतर ब्राउझर उघडण्यासाठी फिंगरप्रिंट सेन्सरचा वापर करावा लागेल. व्हॉट्सऍपचे फिंगरप्रिंट लॉक फीचर जसे काम करते त्याच पद्धतीने हे फीचर काम करेल. आम्ही तुम्हाला सांगतो की बायोमेट्रिक लॉक फीचर 2021 मध्ये पहिल्यांदा iOS डिव्हाइसेसवर गुप्त मोडसाठी रिलीज करण्यात आले होते.
गुगलने एका ब्लॉगद्वारे गुगल क्रोमच्या या फीचरची माहिती दिली आहे. गुगलने आपल्या ब्लॉगमध्ये म्हटले आहे की, इनकॉग्निटो टॅब पुन्हा उघडण्यासाठी वापरकर्त्यांना बायोमेट्रिक लॉकचा वापर करावा लागेल.
गुगल क्रोमच्या सेटिंगमध्ये जाऊन हे फीचर ऑन करता येते. सेटिंगमध्ये गेल्यानंतर, तुम्हाला प्रायव्हसी आणि सिक्योरिटीमध्ये 'enable Lock incognito tabs' पर्याय मिळेल, जो एनेबल करावा लागेल. हे फीचर ऑन केल्यानंतर अनलॉक करण्यासाठी फिंगरप्रिंट, फेस आयडी, पॅटर्न किंवा पिन वापरावा लागेल.
Follow Us
Reshma Zalke
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile
